കുറ്റ്യാടി: കുറ്റ്യാടി-മരുതോങ്കര റോഡില്‍ ടാക്‌സി സ്റ്റാന്‍ഡിനു സമീപം റോഡ് ചളിക്കുളമായതു കാല്‍നട യാത്രക്കാര്‍ക്കും വാഹനങ്ങള്‍ക്കും ദുരിതമാകുന്നു.
മരുതോങ്കര, മുള്ളന്‍കുന്ന്, മൊയ്‌ലോത്തറ, കള്ളാട് ഭാഗങ്ങളിലേക്ക് സര്‍വിസ് നടത്തുന്ന ജീപ്പുകള്‍ ആളെ കയറ്റുന്നതും ഇറക്കുന്നതും ഇവിടെയാണ്. ടൗണിലെ മലിനജലം മുഴുവന്‍ കെട്ടിക്കിടന്ന് റോഡ് ചളിക്കുളമായിട്ട് അധികൃതരാരും ഇതുവരെ തിരിഞ്ഞുനോക്കിയിട്ടില്ല.
മരുതോങ്കര റോഡില്‍ ചെറുപുഴ പാലംവരെ റോഡ് തകര്‍ന്നു കുണ്ടുംകുഴിയുമായ നിലയിലാണ്. ഈ കുഴികളില്‍ ചെളിവെള്ളം കെട്ടിക്കിടക്കുന്നതും നാട്ടുകാര്‍ക്കു ദുരിതമായിട്ടുണ്ട്. റോഡ് നിര്‍മാണത്തിലെ അപാകതയാണ് റോഡിന്റെ തകര്‍ച്ചയ്ക്കു കാരണമാകുന്നതെന്ന ആക്ഷേപം ഉയര്‍ന്നിട്ടുണ്ട്.
തകര്‍ന്ന റോഡ് അറ്റകുറ്റപ്പണി നടത്തി ഗതാഗതയോഗ്യമാക്കാന്‍ അടിയന്തര നടപടി വേണമെന്ന ആവശ്യം ശക്തമായിട്ടുണ്ട്.