കുന്ദമംഗലം: പൊതുപണിമുടക്ക് ദിവസം ആക്കോളി സ്വാശ്രയ സംഘം പ്രവര്‍ത്തകര്‍ റോഡ് ശുചീകരിച്ചു. കുന്ദമംഗലം ആക്കോളി വെളുര്‍ റോഡാണ് കാടു വെട്ടിതെളിച്ചും മണ്ണു നീക്കിയും ശുചീകരിച്ചത്. റോഡ് പൊളിഞ്ഞ ഭാഗത്ത് കോണ്‍ക്രീറ്റ് ചെയ്തും ഗതാഗത യോഗ്യമാക്കി. കുന്ദമംഗലം ഹയര്‍ സെക്കന്‍ഡറി സ്‌കുള്‍, മര്‍ക്കസ് ഗേള്‍സ് ഹയര്‍ സെക്കന്‍ഡറി സ്‌കൂള്‍, വലിയെടത്തില്‍ ദേവി ക്ഷേത്രം എന്നിവിടങ്ങളിലെക്കുള്ള റോഡാണ് ശുചീകരിച്ചത്. ഗ്രാമ പഞ്ചായത്ത് മെമ്പര്‍ എം.വി ബൈജു, സ്വാശ്രയ സംഘം പ്രസിഡന്റ് എന്‍.പി അരവിന്ദന്‍, പി.കെ അബ്ദുല്‍ ഖാദര്‍, കെ.പി അബ്ദുല്‍ നാസര്‍, കെ. സുനില്‍കുമാര്‍, പുതുകുടി ബാവ, നീലാര്‍മ്മല്‍ ബഷീര്‍, കെ. ജാഫര്‍, കെ.എം കോയ, സെക്കീര്‍ ഹുസൈന്‍, കെ.പി അബുദുല്‍ നവാസ് തുടങ്ങിയവര്‍ നേതൃത്വം നല്‍കി.
നരിക്കുനി: ദേശീയ പണിമുടക്ക് ദിവസം റോഡും പരിസരവും വൃത്തിയാക്കി മുസ്‌ലിം യൂത്ത്‌ലീഗ് പ്രവര്‍ത്തകര്‍ മാതൃകയായി. പാറന്നൂര്‍ യൂനിറ്റ് മുസ്‌ലിം യൂത്ത്‌ലീഗ് കമ്മിറ്റിയുടെ നേതൃത്വത്തിലാണ് അന്‍പതോളം പ്രവര്‍ത്തകര്‍ ശുചീകരണപ്രവര്‍ത്തനങ്ങളിലേര്‍പ്പെട്ടത്. വി.സി ഹമീദ്, ടി.കെ.സി ജാഫര്‍, മുസ്തഫ പുറായില്‍, പി. അഷ്‌റഫ്, ടി.സി ശരീഫ്, ടി.സി ജംഷീര്‍, കെ.പി ഷമീര്‍, കെ. മുനീര്‍, പി. സാബിത്ത്, ടി.സി ഷംവീല്‍, പി.എം മുനവ്വിര്‍, ജംഷീദ്, യു.പി സല്‍മാന്‍, ടി.സി ഷാഹിദ്, എം. സാജിദ്, കെ.കെ അജ്‌നാസ്, കെ.സി ആമിര്‍, ടി.സി ഇര്‍ഷാദ്, ടി.സി ജൗഹര്‍, കെ. ജംഷീര്‍ നേതൃത്വം നല്‍കി.
പടം
കുന്ദമംഗലം ആക്കോളി സ്വാശ്രയ സംഘത്തിന്റെ ആഭിമുഖ്യത്തില്‍ റോഡ് ശുചീകരിക്കുന്നു