പെരിന്തല്‍മണ്ണ: സംയുക്ത ട്രേഡ് യൂണിയന്‍ ആഹ്വാനം ചെയ്ത പണിമുടക്ക്  പെരിന്തല്‍മണ്ണയില്‍ പൂര്‍ണ്ണം. രാവിലെ മുതല്‍ തന്നെ നിരത്തില്‍ വാഹനങ്ങള്‍ കുറവായിരുന്നു. അവശ്യ സര്‍വ്വീസായ ആശുപത്രി, എയര്‍പോര്‍ട്, പത്രം എന്നീ വാഹനങ്ങള്‍ ഓടി.
സ്വകാര്യ ട്രാന്‍സ്‌പോര്‍ട്ട് സുകളും, കെ.എസ്.ആര്‍.ടിസി ബസുകളും നിരത്തിലിറങ്ങിയില്ല. പെരിന്തല്‍മണ്ണ കെ.എസ്.ആര്‍.ടി സി  ഡിപ്പോയിലെ ഷെഡ്യൂളുകളെല്ലാം ഇതോടെ മുടങ്ങി.
കെ എസ്ആര്‍.ടി.സികളുടെ ദീര്‍ഘദൂര ബസുകളുടെ സര്‍വീസും നിലച്ചതോടെ ദീര്‍ല ദൂരയാത്രക്കാരെ വലഞ്ഞു.
നഗരത്തിലെ ഹോട്ടലുകള്‍ അടഞ്ഞു കിടന്നത് യാത്രക്കാര്‍ക്ക് ദുരിതമായി.
ഓട്ടോ റിക്ഷകള്‍ പോലും നിരത്തിലിറങ്ങിയില്ല. സ്വകാര്യ ഇരുചക്രവാഹനങ്ങള്‍ അങ്ങിങ്ങ് ഓടി. പെരിന്തല്‍മണ്ണ നഗരവും സമീപ പ്രദേശങ്ങളിലെ ടൗണുകളെല്ലാം വിജനമായി. സര്‍ക്കാര്‍ ഓഫിസുകളില്‍ ഭൂരിഭാഗം പേരും ജോലിക്കെത്തിയതുമില്ല. എന്നാല്‍ ട്രെയിനുകളില്‍ യാത്രക്കാര്‍ വളരെ കുറവായിരുന്നു. സ്‌കൂള്‍ പ്രവര്‍ത്തനവും മുടങ്ങി.  ഇതോടെ തിരക്കേറിയ നഗരമായ പെരിന്തല്‍മണ്ണയും ശാന്തമായി.