കൂത്തുപറമ്പ്: റോഡരികില്‍ മാലിന്യം തള്ളുന്നത് യാത്രക്കാര്‍ക്ക് ബുദ്ധിമുട്ടാകുന്നു. തലശ്ശേരി റോഡില്‍ കുത്തുപറമ്പിലെ പഴയ സ്റ്റേറ്റ് ബാങ്കിനു മുന്നിലായിട്ടാണ് രാത്രികാലങ്ങളില്‍ മാലിന്യം കൊണ്ടിടുന്നത്.
ചാക്കുകെട്ടുകളിലും മറ്റുമായി നിക്ഷേപിക്കുന്ന മാലിന്യങ്ങള്‍ തെരുവുനായ്ക്കളും കാക്കകളും മറ്റും കൊത്തിവലിച്ച് റോഡിലേക്കിടുന്നത് യാത്രക്കാര്‍ക്കും സമീപത്തെ കട ഉടമകള്‍ക്കും ഏറെ ബുദ്ധിമുട്ട് സൃഷ്ടിക്കുന്നുണ്ട്.
പൊതുസ്ഥലങ്ങളില്‍ മാലിന്യം നിക്ഷേപിക്കരുതെന്ന് ചൂണ്ടിക്കാട്ടി നഗരസഭ സ്ഥാപിച്ച ബോര്‍ഡിനു താഴെയാണ് മാലിന്യം തള്ളുന്നത്.