മലപ്പുറം: അമ്മ വഴക്കുപറഞ്ഞതിൽ വിക്ഷമിച്ച് പൊലീസ് സ്റ്റേഷനിൽ പരാതി നൽകാൻ വീട് വിട്ടിറങ്ങിയ രണ്ടാം ക്ലാസുകാരൻ എത്തിയത് ഫയർ സ്റ്റേഷനിൽ.പൊലീസ് സ്റ്റേഷനെന്ന് കരുതിയാണ് രണ്ടാം ക്ലാസുകാരൻ ഫയർ സ്റ്റേഷനിലേക്ക് പോയത്.മലപ്പുറം ഇരുമ്പൂഴിയിലാണ് സംഭവം നടന്നത്.ഇന്ന് വൈകുന്നേരമാണ് അമ്മയുമായി വഴക്കിട്ട് രണ്ടാം ക്ലാസുകാരൻ പരാതി നൽക്കാൻ വീട്ടിൽ നിന്നിറങ്ങിയത്.

അമ്മയുമായി വഴക്കിട്ടപ്പോൾ പരാതി കൊടുക്കുമെന്ന് കുട്ടി പറഞ്ഞിരുന്നു.അതുകഴിഞ്ഞ് കുറച്ചു നേരത്തിന് ശേഷം കുട്ടിയെ കാണാതായപ്പോഴാണ് വീട്ടുകാർ അന്വേഷണം ആരംഭിച്ചത്.എന്നാൽ ഈ സമയം കൊണ്ട്  ഇരുമ്പൂഴിയിൽ നിന്ന് ഏകദേശം 4 കിലോമീറ്റർ അപ്പുറമുള്ള മലപ്പുറം ടൗണിലെ ഫയർ സ്റ്റേഷനിൽ കുട്ടി നടന്നെത്തിയിരുന്നു.അമ്മക്കെതിരെ പരാതി നൽകാനാണ് പൊലീസ് സ്റ്റേഷനെന്ന് കരുതി കുട്ടി ഫയർ സ്റ്റേഷനിലേക്ക് പോയത്.4 കിലോമീറ്റർ നടന്നതിനാൽ കുട്ടി വളരെ ക്ഷീണിതനായിരുന്നു. ഫയർസ്റ്റേഷനിലെ ഉദ്യോ​ഗസ്ഥർ കുട്ടിയോട് കാര്യങ്ങൾ  ചോദിച്ചറിഞ്ഞ് ചൈൽഡ് ഹെൽപ് ലൈനിൽ അറിയിച്ചു.കുട്ടിയുടെ രക്ഷിതാക്കളെത്തി, അവർക്കൊപ്പം കുട്ടിയെ സുരക്ഷിതമായി മടക്കി അയച്ചു.