തിരുവനന്തപുരം: ദേശീയ അധ്യാപകദിനാഘോഷവും അധ്യാപക അവാര്‍ഡ് വിതരണവും തിങ്കളാഴ്ച മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. അട്ടക്കുളങ്ങര ഗവ. സെന്‍ട്രല്‍ ഹൈസ്‌കൂളില്‍ നടക്കുന്ന ചടങ്ങില്‍ വിദ്യാഭ്യാസ മന്ത്രി പ്രൊഫ: സി.രവീന്ദ്രനാഥ് അധ്യക്ഷത വഹിക്കും. മുഖ്യമന്ത്രിയും വിദ്യാഭ്യാസ മന്ത്രിയും ജീവിതശൈലി എന്ന വിഷയത്തില്‍ സന്ദേശം നല്‍കും.
വിദ്യാരംഗം കലാസാഹിത്യ പുരസ്‌കാര വിതരണം ഡെപ്യൂട്ടി സ്പീക്കര്‍ വി.ശശി നിര്‍വഹിക്കും. പ്രൊഫ.ജോസഫ് മുണ്ടശ്ശേരി സ്മാരക സാഹിത്യ അവാര്‍ഡുകള്‍ മേയര്‍ വി.കെ.പ്രശാന്ത് വിതരണം ചെയ്യും. മികച്ച പി.ടി.എ കള്‍ക്കുളള അവാര്‍ഡ് വിതരണം എം.പിമാരായ ഡോ.ശശി തരൂര്‍, ഡോ.എ.സമ്പത്ത് നിര്‍വഹിക്കും. വിദ്യാര്‍ഥികള്‍ക്കുള്ള കലാമത്സരങ്ങള്‍ ഇന്ന് നടക്കും.