ദുബൈ: ഹത്തയിലെ അതിര്‍ത്തിയില്‍ സേവനം അനുഷ്ഠിക്കുന്ന നാഷണല്‍ ഗാര്‍ഡ് ഉദ്യോഗസ്ഥരോടൊപ്പം നോമ്പു തുറന്ന് യുഎഇ ഉപപ്രധാനമന്ത്രിയും പ്രതിരോധമന്ത്രിയും ദുബൈ എക്‌സിക്യൂട്ടീവ് ചെയര്‍മാനുമായ ഷെയ്ഖ് ഹംദാന്‍. യുഎഇ നാഷണല്‍ ഗാര്‍ഡ് അംഗങ്ങളുടെ ത്യാഗത്തെയും കഠിനാധ്വാനത്തെയും വിലമതിക്കുന്നതായി ഷെയ്ഖ് ഹംദാന്‍ പറഞ്ഞു. 

പെട്രോളിംഗ് ഡ്യൂട്ടിയില്‍ ഏര്‍പ്പെട്ട സൈനികര്‍ക്കും മറ്റ് ഉദ്യോഗസ്ഥര്‍ക്കും ഒപ്പം ഇഫ്താര്‍ ബോക്‌സുകളുമായി ഇരിക്കുന്ന തന്റെ ഫോട്ടോകള്‍ ഷെയ്ഖ് ഹംദാന്‍ എക്‌സില്‍ പോസ്റ്റ് ചെയ്തിട്ടുണ്ട്.

I was delighted to join the personnel of the National Guard in Hatta for Iftar.

Their dedication to safeguarding our borders, even while away from their families during the Holy Month, is truly remarkable.

We deeply appreciate all those who work diligently around the clock to… pic.twitter.com/3KkuGS4kXG

— Hamdan bin Mohammed (@HamdanMohammed) March 2, 2025

അതിര്‍ത്തി പ്രദേശങ്ങളിലെ സൈന്യത്തിന്റെ പ്രവര്‍ത്തന രീതികളെക്കുറിച്ച് ചോദിച്ചറിഞ്ഞ ഹംദാന്‍ സൈനികരുമായി അവരുടെ ക്ഷേമത്തെപ്പറ്റിയും മറ്റും സംവദിക്കുകയും ചെയ്തു.  റമദാനിലെ സമയക്രമം ഷെയ്ഖ് ഹംദാന് വിശദീകരിച്ചു നല്‍കിയ സൈനികര്‍ക്ക് റമദാന്‍ ആശംസകള്‍ നേരാന്‍ യുഎഇ ഉപപ്രധാനമന്ത്രി മറന്നില്ല. 

'വിശുദ്ധ മാസത്തില്‍ കുടുംബങ്ങളില്‍ നിന്ന് അകന്നു നില്‍ക്കുമ്പോഴും നമ്മുടെ അതിര്‍ത്തികള്‍ സംരക്ഷിക്കുന്നതിനുള്ള അവരുടെ സമര്‍പ്പണം ശരിക്കും ശ്രദ്ധേയമാണ്. നമ്മുടെ രാജ്യം സ്ഥിരതയുടെയും സമൃദ്ധിയുടെയും ഒരു ദീപസ്തംഭമായി തുടരുന്നുവെന്ന് ഉറപ്പാക്കാന്‍ 24 മണിക്കൂറും ഉത്സാഹത്തോടെ പ്രവര്‍ത്തിക്കുന്ന എല്ലാവരെയും ഞങ്ങള്‍ ആഴത്തില്‍ അഭിനന്ദിക്കുന്നു. നോമ്പുകാലത്തും ഇഫ്താര്‍ സമയത്തും തങ്ങളുടെ ജോലികളില്‍ ശ്രദ്ധയോടെ പ്രവര്‍ത്തിക്കുന്നവരെ അംഗീകരിക്കേണ്ടത് വളരെ പ്രധാനമാണ്' ഷെയ്ഖ് ഹംദാന്‍ പറഞ്ഞു.

സൈനികരോടൊപ്പം പ്രാര്‍ത്ഥനയിലും പങ്കുചേര്‍ന്നാണ് ഷെയ്ഖ് ഹംദാന്‍ മടങ്ങിയത്.

Shaikh Hamdan breaks his fast with the soldiers of Hatta; Pictures go viral