കാസര്‍കോട്: ജില്ലയുടെ വിദ്യാഭ്യാസ പിന്നാക്കാവസ്ഥയ്ക്കു പരിഹാരമായി കാസര്‍കോടിന് അനുവദിച്ച ചാലയിലെ യൂനിവേഴ്‌സിറ്റി കാംപസ് നിര്‍ത്തലാക്കാനുള്ള നീക്കത്തെ ചെറുക്കുമെന്ന് എം.എസ്.എഫ്  ജില്ലാ പ്രസിഡന്റ് ഹാശിം ബംബ്രാണി, ജനറല്‍ സെക്രട്ടറി ഉസാം പള്ളംകോട് പ്രസ്താവിച്ചു. എം.സി.എ, എം.ബി.എ കോഴ്‌സുകളിലേക്കു വിദ്യാര്‍ഥികള്‍ കുറവാണെന്ന കാരണം പറഞ്ഞു മറ്റൊരു സ്ഥലത്തേക്കു മാറ്റിയ നടപടി അപലപനീയമാണെന്നും ഇതു വിദ്യാഭ്യാസ സ്ഥാപനത്തെ കച്ചവടവല്‍കരിക്കുന്നതിനു തുല്യമാണെന്നും സ്‌പോട് അഡ്മിഷന്‍ നടത്തി കോഴ്‌സ് പ്രസ്തുത  കാംപസില്‍ തന്നെ നിലനിര്‍ത്തണമെന്നും നേതാക്കള്‍ പറഞ്ഞു.