ചെമ്പിരിക്ക: ശക്തമായ കാറ്റില്‍ വീടിന്റെ മേല്‍ക്കൂര തകര്‍ന്നു കുട്ടികള്‍ ഉള്‍പ്പെടെ അഞ്ചു പേര്‍ക്കു പരുക്കേറ്റു. ചെമ്പിരിക്ക മാണിയിലെ എരോല്‍ മുഹമ്മദ് കുഞ്ഞിയുടെ വീടിന്റെ മേല്‍കൂരയാണ് ഇന്നലെ പുലര്‍ച്ചെയുണ്ടായ ശക്തമായ കാറ്റില്‍ തകര്‍ന്നത്.
സംഭവത്തില്‍ മുഹമ്മദ് കുഞ്ഞിയുടെ മകന്‍ ഖാദറിന്റെ മകന്‍ നിയാസ്, ഖാദര്‍, ഭാര്യ സമീറ, മക്കളായ നിഹാദ് (12), നുസൈബ (10) എന്നിവര്‍ക്കു പരുക്കേറ്റു.
അപകടത്തില്‍ തോളെല്ലു പൊട്ടിയ നിയാസിനെ ആശുപത്രിയില്‍ പ്രവേശിപ്പിച്ചു.