തിരുവനന്തപുരം: പുന്നവിള കോട്ടുകാല്‍ ഗീതാഞ്ജലി സാംസ്‌കാരിക സമിതിയുടെ പ്രവാസി സാഹിത്യപുരസ്‌കാരം ഡോ. റെജി ഡി. നായരുടെ 'മരുഭൂമിയിലെ മഴ' എന്ന ചെറുകഥാ സമാഹാരത്തിനു നല്‍കുമെന്നു സമിതി പ്രസിഡന്റ് ശ്യാമപ്രസാദ് കോട്ടുകാല്‍, കണ്‍വീനര്‍ തലയല്‍ മനോഹരന്‍നായര്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു. 21,000 രൂപയും ഫലകവും അടങ്ങുന്ന പുരസ്‌കാരം 10നു വൈകിട്ട് നാലിനു തിരുവനന്തപുരം പ്രസ് ക്ലബില്‍ നടക്കുന്ന സാംസ്‌കാരിക സമ്മേളനത്തില്‍ പ്രൊഫ. അലിയാര്‍ സമ്മാനിക്കും. സമ്മേളനം പന്ന്യന്‍ രവീന്ദ്രന്‍ ഉദ്ഘാടനം ചെയ്യും. കാര്യവട്ടം ശ്രീകണ്ഠന്‍നായര്‍ അധ്യക്ഷനാകും.