വെഞ്ഞാറമൂട്: ബൈക്കില്‍ നിന്നു വീണു വീട്ടമ്മയ്ക്കു പരിക്കേറ്റു. ഇന്നലെ ഉച്ചയ്ക്ക് ഒന്നിന് ചെങ്കിക്കുന്നില്‍ മകനൊപ്പം ബൈക്കില്‍ സഞ്ചരിക്കുമ്പോഴായിരുന്നു അപകടം.
യാത്രയ്ക്കിടയില്‍ റോഡിലേക്ക് ഒടിഞ്ഞുവീണ മരച്ചില്ലയില്‍ ബൈക്ക് കയറുന്നത് ഒഴിവാക്കാന്‍ പെട്ടെന്ന് ബ്രേക്കിട്ടപ്പോള്‍ പിന്നിലിരുന്ന വീട്ടമ്മ നിലത്തുവീഴുകയും തലയ്ക്കു സാരമായി പരുക്കേല്‍ക്കുകയുമായിരുന്നു. ഇവരെ വെഞ്ഞാറമൂട്ടിലെ സ്വകാര്യ മെഡിക്കല്‍കോളജില്‍ പ്രവേശിപ്പിച്ചു.