വെള്ളറട: വെള്ളറടയില്‍ ഉപേക്ഷിച്ച ട്രിവാന്‍ഡ്രം ക്ലബില്‍ നിന്നുള്ള കാറ്ററിങ് വേസ്റ്റ് ഉപേക്ഷിച്ചവര്‍ തന്നെതിരികെയെടുത്തു.
കഴിഞ്ഞദിവസം രാത്രിയിലാണ് റോഡുവക്കിലുടനീളം കാറ്ററിങ് വേസ്റ്റ് ഉപേക്ഷിച്ചു കടന്നുകളഞ്ഞത്. കാറ്ററിങ് കരാറുകാരന്റെ ഫോണ്‍നമ്പര്‍ വേസ്റ്റ് ഇറക്കിയ ചാക്കില്‍ കണ്ടെത്തിയതിനെത്തുടര്‍ന്ന് വിവരം ആര്യന്‍കോട് പൊലിസ് സ്റ്റേഷനില്‍ അറിയിക്കുകയായിരുന്നു.
ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ഷാജഹാന്റെ നേതൃത്വത്തില്‍ പ്രവര്‍ത്തകര്‍ സംഭവസ്ഥലത്തെത്തി പ്രതിഷേധിച്ചു. തുടര്‍ന്ന് പൊലിസ് കാറ്ററിംഗ് മാനേജരെ ഫോണില്‍ വിളിച്ചുവരുത്തി വേസ്റ്റ് ഇറക്കിയതുമുഴുവന്‍ വാഹനത്തില്‍ കയറ്റിക്കുകയായിരുന്നു. വേസ്റ്റ് ഇറക്കിയവര്‍ക്കെതിരേ കേസെടുത്തിട്ടുണ്ട്.