പോത്തന്‍കോട്: കരുണാകര ഗുരുവിന്റെ നവതി ആഘോഷങ്ങളോടനുബന്ധിച്ചു നടക്കുന്ന നവതി സമ്മേളനം ഇന്നു വൈകിട്ട് കേന്ദ്ര നൈപുണ്യ വികസന മന്ത്രി രാജീവ് പ്രതാപ് റൂഡി ഉദ്ഘാടനം ചെയ്യും. സംസ്ഥാന വനം മന്ത്രി കെ. രാജു ചടങ്ങില്‍ അധ്യക്ഷനാകും. ഒ.വി വിജയന്റെ ഗുരുവിനെ കുറിച്ചെഴുതിയ പുസ്തകത്തിന്റെ പ്രകാശനം ബി.ജെ.പി മുന്‍ സംസ്ഥാന പ്രസിഡന്റ് വി. മുരളീധരന്‍ നിര്‍വഹിക്കും. ശാന്തിഗിരി ആശ്രമം ഓര്‍ഗനൈസിംഗ് സെക്രട്ടറി സ്വാമി ഗുരുരത്‌നം ജ്ഞാനതപസ്വി, ജനറല്‍ സെക്രട്ടറി സ്വാമി ചൈതന്യ ജ്ഞാനതപസ്വി, മഹാത്മാഗാന്ധി യൂനിവേഴ്‌സിറ്റി വൈസ്. ചാന്‍സിലര്‍ ഡോ. ബാബു സെബാസ്റ്റ്യയന്‍, കെ.പി.സി.സി, വൈസ് പ്രസിഡന്റ് എം.എം ഹസ്സന്‍, ബി.ജെ.പി സംസ്ഥാന സെക്രട്ടറി അഡ്വ.വി.വി രാജേഷ്, കെ.എസ്.ഐ.ഇ ചെയര്‍മാര്‍ സ്‌കറിയ തോമസ്, മുന്‍ എം.എല്‍.എ അഡ്വ. എം.എ വാഹിദ്, തുടങ്ങിയവര്‍ പങ്കെടുക്കും.