കൊട്ടാരക്കര: നെടുവത്തൂര്‍ പുല്ലാമലയില്‍ അനധികൃതമായി പ്രവര്‍ത്തിക്കുന്ന കരിങ്കല്‍ ക്വാറിയില്‍ പൊലിസ് പരിശോധന. പാറ കയറ്റാനെത്തിയ നാലു ടിപ്പര്‍ ലോറികളും ജെ.സി.ബിയും ഹിറ്റാച്ചിയും പിടിച്ചെടുത്തു.
പുല്ലാമല പകുതിപ്പാറയിലെ ക്വാറിയിലാണ് ഇന്നലെ പുലര്‍ച്ചെ പൊലിസ് പരിശോധന നടത്തിയത്. അനുമതിയില്ലാതെയായിരുന്നു ക്വാറിയുടെ പ്രവര്‍ത്തനം. എഴുകോണ്‍ മാമ്പ്രയില്‍ വീട്ടില്‍ ഷാജിയാണ് ക്വാറി നടത്തുന്നത്. ഇയാളെ പൊലിസ് അറസ്റ്റ് ചെയ്തു. ക്വാറി നടത്തിപ്പിനെക്കുറിച്ചു നിരവധി പരാതികള്‍ പൊലിസിനു ലഭിച്ചിരുന്നു. റൂറല്‍ എസ്.പി യുടെ നിര്‍ദേശപ്രകാരം ഷാഡോ പൊലിസും പുത്തൂര്‍ പൊലിസും ചേര്‍ന്നാണു പരിശോധന നടത്തിയത്.