വടകര: സപ്ലൈകോയുടെ ആഭിമുഖ്യത്തില്‍ ആരംഭിക്കുന്ന ഓണം-ബക്രീദ് ഫെയര്‍ നാളെ മുതല്‍ 13 വരെ വടകര സപ്ലൈകോ സൂപ്പര്‍ മാര്‍ക്കറ്റില്‍ നടക്കും. നാളെ രാവിലെ 11ന് സി.കെ നാണു എം.എല്‍.എ ഉദ്ഘാടനം ചെയ്യും. നഗരസഭാ ചെയര്‍മാന്‍ കെ. ശ്രീധരന്‍ അധ്യക്ഷനാകും.
നാദാപുരം മണ്ഡലത്തിലെ ഓണം-ബക്രീദ് മാര്‍ക്കറ്റ് ഒന്‍പതു മുതല്‍ 13 വരെ കല്ലാച്ചി സൂപ്പര്‍ മാര്‍ക്കറ്റില്‍ നടക്കും. ഒന്‍പതിനു രാവിലെ 10ന് ഇ.കെ വിജയന്‍ എം.എല്‍.എ ഉദ്ഘാടനം നിര്‍വഹിക്കും. കുറ്റ്യാടി മണ്ഡലത്തിലെ മാര്‍ക്കറ്റ് ഒന്‍പതു മുതല്‍ 13 വരെ കക്കട്ടില്‍ സൂപ്പര്‍ മാര്‍ക്കറ്റില്‍ നടക്കും. ഒന്‍പതിനു രാവിലെ 10ന് പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്യും. ഒന്‍പതു മുതല്‍ 13 വരെ വടകര താലൂക്കിലെ എല്ലാ സപ്ലൈകോ ഔട്ട്‌ലെറ്റുകളും മിനി ഓണം-ബക്രീദ് മാര്‍ക്കറ്റുകളായി ഇടവേളയില്ലാതെ പ്രവര്‍ത്തിക്കും. ബി.പി.എല്‍, എ.എ.വൈ കാര്‍ഡുടമകള്‍ക്ക് ഏഴുവരെ സൗജന്യ ഓണക്കിറ്റ് ലഭിക്കും.