അബൂദബി: 2024-ല്‍ യുഎഇയിലുണ്ടായ റോഡപകടങ്ങളുടെ പ്രധാന കാരണം ചുവപ്പ് സിഗ്നലിന്റെ ലംഘനമാണെന്ന് ആഭ്യന്തര മന്ത്രാലയം വ്യക്തമാക്കുന്നു. ആഭ്യന്തര മന്ത്രാലയത്തിന്റെ കണക്കുകള്‍ പ്രകാരം ചുവപ്പ് സിഗ്‌നല്‍ ലംഘനം മൂലം രാജ്യവ്യാപകമായി 271 അപകടങ്ങളാണ് ഉണ്ടായത്. അബൂദബിയില്‍ 153 ഉം, ദുബൈയില്‍ 111 ഉം, റാസല്‍ ഖൈമയിലും ഉമ്മുല്‍-ഖുവൈനിലും മൂന്ന് അപകടങ്ങളും, ഷാര്‍ജയില്‍ ഒരു അപകടവും റിപ്പോര്‍ട്ട് ചെയ്തു.

റെഡ് സിഗ്നല്‍ മറികടന്നാലുള്ള പിഴ

യുഎഇ ട്രാഫിക് നിയമ പ്രകാരം, ചുവപ്പ് സിഗ്‌നല്‍ മറികടക്കുന്നതിന്് 1,000 ദിര്‍ഹം പിഴയും 12 ബ്ലാക്ക് പോയിന്റുകളും 30 ദിവസത്തേക്ക് വാഹനം കണ്ടുകെട്ടലും ശിക്ഷയായി ലഭിക്കും. ഫെഡറല്‍ ട്രാഫിക് നിയമത്തിന് പുറമേ ഓരോ എമിറേറ്റിനും അതിന്റേതായ ട്രാഫിക് നിയന്ത്രണങ്ങളുണ്ട്, ഇത് വാഹനമോടിക്കുന്നവര്‍ക്ക് കനത്ത് പിഴ ലഭിക്കുന്നതിലേക്ക് നയിച്ചേക്കാം. കണ്ടുകെട്ടലില്‍ നിന്ന് ഒഴിവാക്കുന്നതിനായി 2023 ലെ ഫെഡറല്‍ ഡിക്രി നിയമം 30 അനുസരിച്ച്, 50,000 ദിര്‍ഹം പിഴ അടക്കേണ്ടതുണ്ട്.

ഡ്രൈവിംഗ് ലൈസന്‍സ് ഇല്ലാതെ വാഹനമോടിക്കല്‍

ഡ്രൈവിംഗ് ലൈസന്‍സ് ഇല്ലാതെ വാഹനമോടിച്ചത് 67 അപകടങ്ങള്‍ക്ക് കാരണമായി. ഇത്തരത്തില്‍ അബൂദബിയില്‍ 55 കേസുകളും ഷാര്‍ജയില്‍ ഏഴ് കേസുകളും ഉം അല്‍-ഖുവൈനില്‍ മൂന്ന് കേസുകളും ഫുജൈറയില്‍ രണ്ട് കേസുകളും റിപ്പോര്‍ട്ട് ചെയ്തു.

മെക്കാനിക്കല്‍ തകരാറുകളാലും ടയര്‍ പൊട്ടിത്തെറിച്ചും ഉണ്ടാകുന്ന അപകടങ്ങള്‍ വര്‍ദ്ധിച്ചുവരുന്നതായി കണ്ടെത്തി. ടയര്‍ പൊട്ടിത്തെറിച്ചതിനെത്തുടര്‍ന്ന് അബൂദബിയില്‍ 26 അപകടങ്ങളും ദുബൈയില്‍ എട്ട് അപകടങ്ങളും റാസല്‍ഖൈമയില്‍ മൂന്ന് അപകടങ്ങളും ഉണ്ടായി. റോങ്ങ് ഡയക്ഷനില്‍ വാഹനമോടിച്ചതിനെ തുടര്‍ന്ന് അബൂദബിയില്‍ 16 അപകടങ്ങളും ഫുജൈറയില്‍ രണ്ട് അപകടങ്ങളും ഉണ്ടായി.

മന്ത്രാലയത്തിന്റെ റിപ്പോര്‍ട്ട് പ്രകാരം ഗതാഗത അപകടങ്ങള്‍ക്ക് 66 വ്യത്യസ്ത കാരണങ്ങളാണ് പറയുന്നത് അവയില്‍ പ്രധാനപ്പെട്ടവ

1) അശ്രദ്ധയും ശ്രദ്ധക്കുറവും

2) പെട്ടെന്നുള്ള ഡൈവേര്‍ഷനുകള്‍

3) റെഡ് സിഗ്‌നലുകളുടെ ലംഘനം

4) വാഹനമോടിക്കുമ്പോള്‍ ശ്രദ്ധ തെറ്റുന്നത്

5) റോഡിന്റെ അവസ്ഥ കണക്കിലെടുക്കാതെയുള്ള അമിതവേഗത

6) ട്രാഫിക് സിഗ്‌നലുകളുടെ ലംഘനം

According to the UAE Ministry of Interior, violating red traffic signals was the leading cause of road accidents in 2024, with 271 accidents reported nationwide, including 153 in Abu Dhabi and 111 in Dubai.