തിരുവനന്തപുരം: 2021ലെ നിയമസഭാ തിരഞ്ഞെടുപ്പില്‍ ബിജെപിയുടെ കുഴല്‍പ്പണം ഉപയോഗിച്ചാണ് സിപിഎം വിജയിച്ച് അധികാരത്തില്‍ തുടരാന്‍ കഴിഞ്ഞതെന്ന് കെപിസിസി പ്രസിഡന്റ് കെ സുധാകരന്‍ എംപി ആരോപിച്ചു. കോടിക്കണക്കിന് രൂപ ബിജെപി അന്ന് കേരളത്തില്‍ വിതരണം ചെയ്തുവെന്നും, അതുവഴി വോട്ടുകള്‍ സിപിഎമ്മിന് കൈമാറിയതായും അദ്ദേഹം പറഞ്ഞു. 60ലധികം സീറ്റുകളിലാണ് ബിജെപിയുടെ വോട്ടുകള്‍ സിപിഎമ്മിലേക്ക് മാറിയത്. ഈ കടപ്പാട് മാറ്റാനായി കൊടകര കുഴല്‍പ്പണക്കേസ് പിണറായി സര്‍ക്കാര്‍ ഇഡിക്കു കൈമാറി, ബിജെപി നേതാക്കളെ രക്ഷപ്പെടുത്തിയതായും സുധാകരന്‍ ആരോപിച്ചു.

"ബിജെപി നേതാക്കള്‍ കൊടകര കുഴല്‍പ്പണക്കേസില്‍ സംസ്ഥാന സര്‍ക്കാരിന്റെ അന്വേഷണത്തില്‍ സാക്ഷികളായി. അവരെ പ്രതി ചേര്‍ക്കാതെ പിണറായി സര്‍ക്കാര്‍ കേസ് ഇഡിക്ക് കൈമാറി, ഇതുമൂലം ബിജെപി നേതാക്കള്‍ ജയിലില്‍ പോകേണ്ട സാഹചര്യം ഒഴിവായി. ഇഡിക്ക് കൈമാറിയതിനുശേഷമാണ് കെ സുരേന്ദ്രന്‍ ഈ കേസില്‍ താനൊരിക്കലും ഉള്‍പ്പെടില്ലെന്ന് വെല്ലുവിളിച്ചത്," സുധാകരന്‍ പറഞ്ഞു.

"ഇഡി ബിജെപിയുടെ സാമ്പത്തിക ക്രമക്കേടുകള്‍ ഒതുക്കാന്‍ 'വാഷിംഗ് പൗഡറായി' മാറിയിരിക്കുകയാണ്". കൊടകര കുഴല്‍പ്പണക്കേസിന്റെ അന്വേഷണ രീതിയാണ് ഇഡിയുടെ രാഷ്ട്രീയ വശീകരണത്തിന് ഏറ്റവും ഒടുവിലത്തെ ഉദാഹരണം. ബിജെപി നേതാക്കള്‍ കുടുങ്ങേണ്ട കേസിനെ ഇഡി വെറും 'സ്ഥലക്കച്ചവടം' ആക്കി മാറ്റിയതും തങ്ങളുടേതായ അജണ്ട മുന്നോട്ട് കൊണ്ടുപോകാനായി കേന്ദ്ര ഏജന്‍സികളെ ദുരുപയോഗം ചെയ്യുന്നതിന്റെ തെളിവാണെന്നും സുധാകരന്‍ കൂട്ടിച്ചേര്‍ത്തു.

"ഹവാല ഇടപാടുകാരനായ ധര്‍മരാജന്‍ പണം നഷ്ടപ്പെട്ട ഉടന്‍ വിളിച്ചത് കെ സുരേന്ദ്രനേയും ബിജെപി സംഘടനാ സെക്രട്ടറി എം. ഗണേശനേയും ആയിരുന്നു". കേന്ദ്ര ഏജന്‍സികളെ പ്രതിപക്ഷ പാര്‍ട്ടികളെ ഉന്മൂലനം ചെയ്യാനുള്ള ആയുധമാക്കുകയാണ് കേന്ദ്രസര്‍ക്കാര്‍, 2015 മുതല്‍ 2025 ഫെബ്രുവരി വരെയുള്ള കാലയളവില്‍ ഇഡിയുടെ 193 രാഷ്ട്രീയ കേസുകളില്‍ വെറും രണ്ട് കേസുകള്‍ മാത്രമേ തെളിയിക്കാന്‍ കഴിഞ്ഞിട്ടുള്ളൂവെന്ന് കേന്ദ്രസര്‍ക്കാരിന്റെ രാജ്യസഭാ വെളിപ്പെടുത്തലും വ്യക്തമാക്കുന്നു, സുധാകരന്‍ വ്യക്തമാക്കി.

KPCC President K Sudhakaran accused CPM of using BJP’s illicit funds to secure victory in the 2021 Kerala Assembly elections. He claimed that BJP distributed crores of rupees, leading to vote transfers in over 60 seats. In return, the Pinarayi government allegedly handed over the Kodakara hawala case to the ED, protecting BJP leaders. Sudhakaran also criticized ED for acting as BJP’s tool to target opposition parties.