നിലമ്പൂര്‍: ചാരായവും വിദേശമദ്യവും സൂക്ഷിച്ചതിന് രണ്ടുപേരെ എക്‌സൈസ് സംഘം പിടികൂടി. മമ്പാട് മേപ്പാടം പഴമ്പാലക്കോട് രാജുവിനെയാണ് (33) രണ്ടു ലിറ്റര്‍ ചാരായവുമായി പിടികൂടിയത്.
ഇയാളുടെ സ്‌കൂട്ടറിന്റെ സീറ്റിനടിയില്‍ നിന്നാണ് ചാരായം പിടിച്ചെടുത്തത്. ഇയാളുടെ സ്‌കൂട്ടറും കസ്റ്റഡിയിലെടുത്തു. അഞ്ച് ലിറ്റര്‍ വിദേശ മദ്യവുമായി ചാലിയാര്‍ മണ്ണുപ്പാടം തൊണ്ടി ഇസ്മായിലിനെ (45) മൈലാടിയില്‍ വെച്ചും പിടികൂടി. ഇയാളുടെ ബൈക്കും കസ്റ്റഡിയിലെടുത്തു. എ.ഇ.ഐ എന്‍.അശോകന്‍, സി.ഇ.ഒ  മാരായ എം.ഹരികൃഷ്ണന്‍, എം.കെ.ശശിധരന്‍, അരുണ്‍കുമാര്‍, അബ്ദുല്‍ മജീദ്, ബാബു ജെയിംസ്, പ്രദീപ് എന്നിവര്‍ ചേര്‍ന്നാണ് പിടികൂടിയത്. പ്രതികളെ കോടതിയില്‍ ഹാജരാക്കി.