ന്യൂഡൽഹി: ആശാവർക്കർമാരുടെ ഓണറേറിയത്തിനായി കേന്ദ്ര സർക്കാർ പ്രത്യേക ഫണ്ട് അനുവദിക്കില്ല എന്ന് കേന്ദ്ര ആരോഗ്യമന്ത്രാലയം. കേന്ദ്ര ആരോഗ്യ സഹമന്ത്രി പ്രതാപ്റാവു ജാദവ് ലോക്‌സഭയിൽ എം.പി എൻ.കെ. പ്രേമചന്ദ്രന് നൽകിയ മറുപടിയിലാണ് ഇത് വ്യക്തമാക്കിയത്.

2024-25 സാമ്പത്തിക വർഷത്തിൽ ദേശീയ ആരോഗ്യ ദൗത്യത്തിന്റെ ഭാഗമായി കേരളത്തിന് 1350.67 കോടി രൂപ കേന്ദ്രം അനുവദിച്ചിട്ടുണ്ടെന്ന് മന്ത്രി പറഞ്ഞു. ആശാവർക്കർമാരുമായി ബന്ധപ്പെട്ട കാര്യങ്ങളിൽ പ്രാഥമിക ഉത്തരവാദിത്വം സംസ്ഥാന സർക്കാരിനാണെന്നും അദ്ദേഹം കൂട്ടിച്ചേർത്തു.

ആശാവർക്കർമാരുടെ ഓണറേറിയത്തിന് കുടിശ്ശികയായി ഉള്ള തുക കേന്ദ്രം സംസ്ഥാനത്തിന് നൽകണമെന്ന ചോദ്യത്തിനായിരുന്നു മന്ത്രിയുടെ മറുപടി. ആരോഗ്യ ദൗത്യത്തിന്റെ ഭാഗമായി മൊത്തത്തിലുള്ള ഫണ്ട് മാത്രമേ അനുവദിക്കൂ എന്നുമാണ് കേന്ദ്രസർക്കാരിന്റെ നിലപാട്.

The Union Minister of State for Health, Prataprao Jadhav, stated that the central government will not provide special funds to states for ASHA workers' honorarium. He clarified that 1350.67 crore has been allocated to Kerala under the National Health Mission (NHM) for 2024-25, and the primary responsibility for ASHA workers lies with the state government.