തിരുവനന്തപുരം: പെരുന്നാള്‍ അവധി റദ്ദാക്കി കേന്ദ്ര പരോക്ഷ നികുതി വകുപ്പും, കസ്റ്റംസ് ഡിപ്പാര്‍ട്ട്‌മെന്റും ഉത്തരവിറക്കി. ഈ മാസം 31 ലെ അവധികളാണ് റദ്ദാക്കിയത്. ജീവനക്കാര്‍ മാര്‍ച്ച് 29,30,31 തീയതികളില്‍ ജോലിക്ക് ഹാജരാകണമെന്നും ഉത്തരവിലുണ്ട്. 

സര്‍ക്കാര്‍ ജീവനക്കാര്‍ക്കുള്ള വാര്‍ഷിക അവധിയില്‍ മാര്‍ച്ച് 31 ഉണ്ടായിരുന്നു. ഈ അവധിയാണ് റദ്ദാക്കിയാണ് പുതിയ സര്‍ക്കുലറെത്തിയത്. ജീവനക്കാര്‍രില്‍ ഒരാള്‍ക്കും മേലധികാരികള്‍ അവധി അനുവദിക്കരുതെന്നാണ് നിര്‍ദേശം. ജീവനക്കാരെല്ലാം ജോലിക്ക് എത്തുന്നുണ്ടെന്ന് ഉറപ്പാക്കാന്‍ നടപടി സ്വീകരിക്കണമെന്നും സര്‍ക്കുലറില്‍ നിര്‍ദേശമുണ്ട്. 

മാര്‍ച്ച് 31 തിങ്കളാഴ്ച്ചയോ, ഏപ്രില്‍ 1 ചൊവ്വാഴ്ച്ചയോ ആയിരിക്കും ചെറിയ പെരുന്നാള്‍. അവധി റദ്ദാക്കിയ നടപടിക്കെതിരെ ജീവനക്കാര്‍ക്കിടയില്‍ പ്രതിഷേധം ശക്തമാണ്. 

The Central Indirect Tax Department and Customs Department have canceled the holiday for March 31 due to work requirements. Employees are instructed to report to work on March 29, 30, and 31.