ജയ്പൂർ: ആൺകുട്ടി വേണമെന്ന ആഗ്രഹം നടക്കാതെ പോയതോടെ വെറും അഞ്ച് മാസം പ്രായമുള്ള ഇരട്ട പെൺകുട്ടികളെ തറയിൽ അടിച്ച് കൊലപ്പെടുത്തി പിതാവ്. രാജസ്ഥാനിലെ സികാറിലെ നീംകൊതാന സിറ്റിയിലാണ് സംഭവം നടന്നത്. കൊലപാതകത്തിന് പിന്നാലെ പിതാവ് അശോക് യാദവിനെ പൊലിസ് അറസ്റ്റ് ചെയ്തു. 

കൊലക്ക് ശേഷം ഇരട്ട പെൺകുട്ടികളെ ഇയാൾ വീട്ടിൽ നിന്നും രണ്ട് കിലോ മീറ്റർ അകലെയുള്ള പറമ്പിൽ കുഴിച്ചിടുകയായിരുന്നു. പരുക്കേറ്റ കുട്ടികളെ ഉടൻ തന്നെ വീട്ടുകാർ ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാൻ സാധിക്കാതെ പോവുകയായിരുന്നു. ഇതോടെ ഭർത്താവും കുടുംബവും ചേർന്ന് മൃതദേഹങ്ങൾ കുഴിച്ചു മൂടുകയായിരുന്നു. സംഭവം പുറത്ത് അറിയാതെയിരിക്കാനായി ഈ സ്ഥലം കല്ലുകളും ചെടികളും ഉപയോഗിച്ച് ഇവർ മൂടുകയും ചെയ്തു.

കഴിഞ്ഞ വർഷമാണ്‌ ഇരുവർക്കും ഇരട്ട കുട്ടികൾ ജനിച്ചിരുന്നത്. അന്ന് മുതൽ തന്നെ കുടുംബത്തിൽ വഴക്ക് നടന്നിരുന്നു. പിതാവിനും കുടുംബത്തിനും ആൺകുട്ടി വേണമെന്ന് ആയിരുന്നു ആഗ്രഹം. ഇത് നടക്കാതെ പോയതാണ് കൊലപാതകത്തിലേക്ക് നയിക്കാൻ കാരണമായത്. 

ഈ ക്രൂര കൊലപാതകത്തെ കുറിച്ച് അറിഞ്ഞ കുഞ്ഞുങ്ങളുടെ അമ്മാവനായ സുനിൽ യാദവാണ് പൊലിസിനെ വിവരമറിയിച്ചിരുന്നത്. വിവരമറിഞ്ഞ് സബ് ഡിവിഷനിൽ മജിസ്ട്രേറ്റ് രജ്വീർ യാദവും ഫ്ലോറൻസിക് ആളുകളും സ്ഥലത്തെത്തി സ്ഥലം സീൽ ചെയ്യുകയായിരുന്നു.

Father kills twin girls by beating them in Rajasthan wanting a boy