തിരൂര്‍: നഗരത്തിലെ ടൈലറിങ് ഷോപ്പില്‍ നിന്ന് ഒന്നരലക്ഷം രൂപ കവര്‍ന്നു. കഴിഞ്ഞ ദിവസം രാത്രിയില്‍ കടയുടെ ഷട്ടറിന്റെ പൂട്ടു തകര്‍ത്താണു കവര്‍ച്ച. പറവണ്ണ ആലിന്‍ചുവട് സ്വദേശി സുജിത്തിന്റെ വീടിന്റെ നിര്‍മാണ ആവശ്യത്തിനായി കടയില്‍ സൂക്ഷിച്ച പണമാണു നഷ്ടപ്പെട്ടത്. ഇതിനു പുറമേ തിരൂര്‍ നഗരത്തിലെ മറ്റ് അഞ്ചു സ്വകാര്യ സ്ഥാപനങ്ങളിലും മോഷണശ്രമമുണ്ടായി. നഗരത്തിലെ ട്രാവല്‍സിലെ സി.സി.ടി.വി കാമറയില്‍ മോഷണശ്രമദൃശ്യങ്ങള്‍ പതിഞ്ഞിട്ടുണ്ടെങ്കിലും മോഷ്ടാവു മുഖം മറച്ചിരുന്നതിനാല്‍ ആളെ തിരിച്ചറിയാനായിട്ടില്ല. പരാതിയെത്തുടര്‍ന്നു പൊലിസ് കേസെടുത്ത് അന്വേഷണം തുടങ്ങി.