അഹമ്മദാബാദ്: ഐപിഎല്ലിൽ ​ഗുജറാത്ത് ടൈറ്റൻസിന് ബാറ്റിങ്ങ്. ടോസ് നേടിയ മുംബൈ ഇന്ത്യൻസ് ഫീൽഡിം​ഗ് തെര‍ഞ്ഞെടുത്തു. ​ഗുജറാത്തിന്റെ ഹോം ​ഗ്രൗണ്ടായ ​നരേന്ദ്ര മോദി സ്റ്റേഡിയത്തിൽ കഴിഞ്ഞ മത്സരം കളിച്ച അതേ ടീമുമായാണ് ടൈറ്റൻസ് ഇറങ്ങുന്നത്. അതേസമയം, കഴിഞ്ഞ മത്സരത്തിൽ വിലക്ക് നേരിട്ട മുംബൈ ക്യാപ്റ്റൻ ഹാർദിക് പാണ്ഡ്യ ആദ്യ ഇലവനിൽ തിരിച്ചെത്തി. കഴിഞ്ഞ സീസണിൽ മൂന്ന് മത്സരങ്ങളിൽ നടത്തിയ സ്ലോ ഓവർ റേറ്റിനാണ് ഹർദിക്കിന് ആദ്യ മത്സരത്തിൽ വിലക്ക് ലഭിച്ചത്. കഴിഞ്ഞ സീസണിലെ ആദ്യ രണ്ട് മത്സരങ്ങളിൽ സ്ലോ ഓവർ റേറ്റിന്റെ പേരിൽ 30 ലക്ഷം രൂപ മുംബൈ ക്യാപ്റ്റനെതിരെ പിഴ ചുമത്തിയിരുന്നു. എന്നാൽ മൂന്നാം മത്സരത്തിലും ഇത് ആവർത്തിച്ചതിനാണ് താരത്തിന് പുതിയ സീസണിലെ ആദ്യ മത്സരം നഷ്ടപ്പെട്ടത്.

ആദ്യ മത്സരത്തിൽ പഞ്ചാബ് കിങ്സിനോടേറ്റ പരാജയത്തിന് ശേഷമാണ് ടൈറ്റൻസ് ഇന്ന് മുംബൈക്കെതിരെ ഇറങ്ങുന്നത്. ആദ്യ മത്സരത്തിൽ 11 റൺസിനായിരുന്നു ടൈറ്റൻസിന്റെ പനപരാജയം. ഗുജറാത്തിന്റെ തട്ടകമായ അഹമ്മദാബാദ് നരേന്ദ്ര മോദി സ്റ്റേഡിയത്തിൽ നടന്ന മത്സരത്തിൽ ആദ്യം ബാറ്റ് ചെയ്ത പഞ്ചാബ് 20 ഓവറിൽ അഞ്ചു വിക്കറ്റ് നഷ്ടത്തിൽ 243 റൺസിന്റെ കൂറ്റൻ ടോട്ടലാണ് നേടിയത്. വിജയലക്ഷ്യം പിന്തുടർന്നിറങ്ങിയ ഗുജറാത്ത് ഇന്നിങ്സ് 20 ഓവറിൽ അഞ്ചു വിക്കറ്റ് നഷ്ടത്തിൽ 232 റൺസിൽ അവസാനിക്കുകയായിരുന്നു.

അതേസമയം, ആദ്യ മത്സരത്തിൽ ചെന്നൈയോട് പരാജയപ്പെട്ടാണ് മുംബൈ രണ്ടാം മത്സരത്തിനിറങ്ങുന്നത്. ആദ്യം ബാറ്റ് ചെയ്ത മുംബൈ ഒമ്പത് വിക്കറ്റ് നഷ്ടത്തിൽ 155 റൺസാണ് നേടിയത്. 25 പന്തിൽ 31 റൺസ് നേടിയ തിലക് വർമ്മയായിരുന്നു മുംബൈ നിരയിലെ ടോപ്പ് സ്കോറർ. എന്നാൽ മറുപടി ബാറ്റിങ്ങിനിറങ്ങിയ ചെന്നൈ 19.1 ഓവറിൽ ലക്ഷ്യം മറികടക്കുകയായിരുന്നു.

ഗുജറാത്ത് ടൈറ്റൻസ് (പ്ലേയിംഗ് ഇലവൻ): ശുഭ്മാൻ ഗിൽ (ക്യാപ്റ്റൻ), സായ് സുദർശൻ, ജോസ് ബട്‌ലർ, ഷെർഫെയ്ൻ റൂഥർഫോർഡ്, ഷാരൂഖ് ഖാൻ, രാഹുൽ തെവാട്ടിയ, റാഷിദ് ഖാൻ, രവിശ്രീനിവാസൻ സായ് കിഷോർ, കാഗിസോ റബാഡ, മുഹമ്മദ് സിറാജ്, പ്രസിദ്ധ് കൃഷ്ണ.

മുംബൈ ഇന്ത്യൻസ് (പ്ലേയിംഗ് ഇലവൻ): രോഹിത് ശർമ്മ, റയാൻ റിക്കിൾട്ടൺ, സൂര്യകുമാർ യാദവ്, തിലക് വർമ, ഹാർദിക് പാണ്ഡ്യ(ക്യാപ്റ്റൻ), നമൻ ധിർ, മിച്ചൽ സാന്റ്നർ, ദീപക് ചാഹർ, ട്രെന്റ് ബോൾട്ട്, മുജീബ് ഉർ റഹ്മാൻ, സത്യനാരായണ രാജു 

Mumbai Indians won the toss and chose to field first against Gujarat Titans, as they seek their first victory of the IPL 2025 season.