നാദാപുരം: പ്ലസ് ടു പരീക്ഷാകേന്ദ്രത്തിൽ ആൾമാറാട്ടം നടത്തിയ ബിരുദ വിദ്യാർഥിയെ പൊലിസ് പിടികൂടി. ആർ.എ.സി. ഹയർ സെക്കൻഡറി സ്കൂളിൽ നടന്ന പ്ലസ് വൺ ഇംഗ്ലീഷ് ഇംപ്രൂവ്മെന്റ് പരീക്ഷയിലായിരുന്നു ആൾമാറാട്ടം. ഒരു പ്ലസ് വൺ വിദ്യാർഥിക്ക് പകരമായി ബിരുദ വിദ്യാർഥിയായ കെ.കെ. മുഹമ്മദ് ഇസ്മയിൽ (18) പരീക്ഷ എഴുതാൻ എത്തുകയായിരുന്നു. മുചുകുന്ന് പുളിയഞ്ചേരി സ്വദേശിയാണ് മുഹമ്മദ് ഇസ്മയിൽ.

ക്ലാസിൽ പരീക്ഷ ഡ്യൂട്ടിയിലുണ്ടായിരുന്ന അധ്യാപകന് തോന്നിയ സംശയമാണ് ആൾമാറാട്ടം വെളിച്ചത്ത് കൊണ്ടുവന്നത്. പ്രതി ഹാൾ ടിക്കറ്റിലും കൃത്രിമം നടത്തിയിരുന്നു. സംഭവം അധ്യാപകൻ പ്രിൻസിപ്പാളിനെ അറിയിച്ചതിനെ തുടർന്ന് പ്രിൻസിപ്പാൾ വിദ്യാഭ്യാസ അധികൃതർക്കും പൊലിസിനും പരാതി നൽകി. തുടർന്ന്, നാദാപുരം പൊലിസെത്തി പ്രതിയെ കസ്റ്റഡിയിൽ എടുത്തു. അറസ്റ്റ് രേഖപ്പെടുത്തിയ പ്രതിയെ നാള കോടതിയിൽ ഹാജരാക്കും.

A degree student was arrested for impersonating a Plus One student during an English improvement exam at R.A.C. Higher Secondary School in Nadapuram. The accused, K.K. Muhammad Ismail (18), a resident of Muchukunnu, Puliyanchery, attempted to write the exam on behalf of another student. The incident came to light after invigilators grew suspicious and questioned him. Police have registered a case, and further investigations are underway.