പെരിന്തല്‍മണ്ണ: ആറു ദിവസം നീണ്ടണ്ടുനില്‍ക്കുന്ന തെയ്യോട്ടുചിറ കമ്മുസൂഫി ആണ്ടണ്ടുനേര്‍ച്ച തുടങ്ങി. മഖാമില്‍ നടന്ന ഖുര്‍ആന്‍ പാരായണത്തിനു മഹല്ല് ഖാസി സി.കെ മൊയ്തുട്ടി മുസ്‌ലിയാര്‍ നേതൃത്വം നല്‍കി. മഹല്ല് ചെയര്‍മാന്‍ കുരുവമ്പലം ഉണ്ണിക്കോയ തങ്ങള്‍ പതാക ഉയര്‍ത്തി.
തുടര്‍ന്നു നടന്ന സമ്മേളനത്തില്‍ സി.എച്ച് അബ്ദുറഹ്മാന്‍ വഹബി അധ്യക്ഷനായി. അബ്ദുല്‍ സമദ് ഫൈസി, മുസ്തഫ അഷറഫി കക്കുപ്പടി, ശറഫുദ്ദീന്‍ മാസ്റ്റര്‍, അബ്ദുറഹീം ദാരിമി, മൊയ്തീന്‍ മുസ്‌ലിയാര്‍, മുഹമ്മദ് മാസ്റ്റര്‍ പങ്കെടുത്തു.
ഉച്ചയ്ക്കു നടന്ന പഠന ക്യാംപില്‍ ഡോ. ഹംസ അഞ്ചുമുക്കില്‍ ക്ലാസെടുത്തു. വിദ്യാര്‍ഥി സംഘടന ഇസ്സയുടെ കീഴില്‍ ക്വിസ് മത്സരം നടത്തി.
വൈകിട്ട് നടന്ന കല്ലൂര്‍ ഉസ്താദ് അനുസ്മരണ സമ്മേളനത്തില്‍ അയ്യൂബ് ഫൈസി അനുസ്മരണ പ്രഭാഷണം നടത്തി. നൗഷാദ് ബാഖവിയുടെ മതപ്രഭാഷണവും നടന്നു. ഇന്നു നടക്കുന്ന പഠന ക്യാംപില്‍ റഷീദ് മാസ്റ്റര്‍ കൊടിയൂറ വിഷയാവതരണം നടത്തും. കുടുംബ സംഗമത്തില്‍ അബ്ദുറഹ്മാന്‍ ഫൈസി ചേളാരി വിഷയാവതരണം നടത്തും. വൈകിട്ട് എട്ടിന് അന്‍വര്‍ ഹുദവി ആലുവ പ്രഭാഷണം നടത്തും.