ലഖ്‌നോ: താന്‍ സന്യാസിയാണെന്നും മുഴുനീള രാഷ്ടരീയ പ്രവര്‍ത്തനം തനിക്ക് കഴിയില്ലെന്നും യു.പി മുഖ്യമന്ത്രി യോഗി ആദിത്യനാഥ്. രാഷ്ട്രീയഭാവി സംബന്ധിച്ച ചോദ്യങ്ങള്‍ക്ക് ഉത്തരമായാണ് പ്രതികരണം.  നരേന്ദ്ര മോദി പ്രധാനമന്ത്രി സ്ഥാനമൊഴിയുമെന്ന അഭ്യൂഹങ്ങള്‍ക്കിടെയാണ് ഉത്തര്‍പ്രദേശ് മുഖ്യമന്ത്രിയുടെ പ്രതികരണം വന്നിരിക്കുന്നത്.

'നിലവില്‍ ഞാന്‍ യു.പി മുഖ്യമന്ത്രിയാണ്.യു.പിയിലെ ജനങ്ങളെ സേവിക്കുക എന്ന ചുമതലയാണ് പാര്‍ട്ടി എനിക്ക് നല്‍കിയത്.എന്നെ സംബന്ധിച്ചിടത്തോളം രാഷ്ട്രീയം ഒരു മുഴുസമയ ജോലിയല്ല. ഇപ്പോള്‍ ഞാന്‍ മേഖലയിലാണ് ജോലി ചെയ്യുന്നത്. എന്നാല്‍ ഞാന്‍ ഒരു സന്യാസിയാണ്' .യോഗി പറഞ്ഞു. 

ഇവിടെ ഉള്ളിടത്തോളം കാലം, നാം ജോലി ചെയ്യുന്നു... ഇതിനും ഒരു സമയപരിധി ഉണ്ടാകും- യോഗി കൂട്ടിച്ചേര്‍ത്തു. 

പ്രധാനമന്ത്രി നരേന്ദ്ര മോദി സെപ്തംബറില്‍ സ്ഥാനമൊഴിയുമെന്ന് ശിവസേന ഉദ്ധവ് താക്കറെ വിഭാഗം നേതാവ് സഞ്ജയ് റാവത്ത് കഴിഞ്ഞ ദിവസം പറ#്ഞിരുന്നു. ഇതിന് അനുമതി വാങ്ങാനാണ് മോദി ആര്‍.എസ്.എസ് ആസ്ഥാനം സന്ദര്‍ശിച്ചതെന്നാണ് റാവത്ത് പറഞ്ഞത്. ഈ പരാമര്‍ശം കൂടി ചൂണ്ടിക്കാട്ടിയാണ് യോഗിയുടം പ്രതികരണം.