തിരുവനന്തപുരം: അഞ്ചു വര്‍ഷത്തിനു ശേഷം ഒന്നാം തിയതി തന്നെ ശമ്പളം നല്‍കി കെഎസ്ആര്‍ടിസി. 2020 ഡിസംബര്‍ മാസത്തിനു ശേഷം ഇപ്പോഴാണ് ആദ്യമായി ഒന്നാം തിയതി ശമ്പളം കിട്ടുന്നത്. 80 കോടി രൂപയാണ് ശമ്പളത്തിനായി വേണ്ട തുക. മാര്‍ച്ച് മാസത്തെ ശമ്പളമാണ് വിതരണം ചെയ്തത്.

ബിജു പ്രഭാകര്‍ കെഎസ്ആര്‍ടിസി എംഡിയും ആന്റണി രാജു ഗതാഗതമന്ത്രിയുമായിരുന്ന സമയത്താണ് കിട്ടിക്കൊണ്ടിരുന്ന ശമ്പളം രണ്ടു ഗഡുക്കളായി ലഭിക്കാന്‍ തുടങ്ങിയത്. പിന്നീട് അതും വൈകുകയായിരുന്നു. കെഎസ്ആര്‍ടിസിക്കാര്‍ നിരവധി തവണ ഇക്കാലങ്ങളിലെല്ലാം പ്രതിഷേധവും സമരവുമെല്ലാം നടത്തിയിരുന്നു.