കുവൈത്ത് സിറ്റി: വിവിധ ആഗോള പ്രതിഭാസങ്ങളാല്‍ യുഎസ് ഡോളറിന്റെ മൂല്യം കൂടിവരികയാണ്. നിലവില്‍ ഒരു യു.എസ് ഡോളര്‍ ലഭിക്കാന്‍ 85.69 രൂപ നല്‍കണം. യുഎസ് കറന്‍സിയായ ഡോളറുമായി താരതമ്യംചെയ്താണ് കറന്‍സികളുടെ മൂല്യം അളക്കുന്നത്. ചരക്കുകള്‍ വാങ്ങാനുള്ള ശേഷി, കൈമാറ്റം ചെയ്യുമ്പോള്‍ മറ്റു കറന്‍സികള്‍ എത്ര ലഭിക്കും എന്നതെല്ലാം അടിസ്ഥാനമാക്കിയാണ് ഓരോ കറന്‍സിയുടെയും മൂല്യം കണക്കാക്കുന്നത്. പണപ്പെരുപ്പം, സാമ്പത്തിക വളര്‍ച്ച, കേന്ദ്ര ബാങ്കുകള്‍ നടപ്പാക്കുന്ന നയം, സാമ്പത്തിക സുസ്ഥിരത തുടങ്ങിയ ഘടകങ്ങളാണ് കറന്‍സി മൂല്യം നിര്‍ണയിക്കാന്‍ പരിഗണിക്കുന്നത്. ഒരു രാജ്യത്തിന്റെ സാമ്പത്തിക ശക്തി വിളിച്ചോതുന്നതാണ് അവിടത്തെ കറന്‍സിയുടെ മൂല്യം. ലോകത്ത് നിയമ പ്രാബല്യമുള്ള കറന്‍സികള്‍ 180 ആണ്. 

ലോകത്ത് ഏറ്റവും കൂടുതല്‍ വിനിമയം ചെയ്യപ്പെടുന്ന കറന്‍സി യുഎസ് ഡോളര്‍ ആണ്. ലോക രാജ്യങ്ങളുടെ മിക്ക ഇടപാടുകളും ഡോറളിലാണ്. സമീപ കാലത്ത് ഒട്ടേറെ രാജ്യങ്ങള്‍ പ്രാദേശിക കറന്‍സികളില്‍ ഇടപാട് നടത്തുന്നത് ഡോളറിന്റെ അപ്രമാദിത്വത്തെ ചോദ്യം ചെയ്യുന്നതാണ്.

 

 

 

മൂല്യത്തില്‍ ഒന്നാംസ്ഥാനം കുവൈത്ത് ആണ്. ഇന്ന് (2025 ഏപ്രില്‍ രണ്ടിന്) ഒരു കുവൈത്ത് ദിനാര്‍ ലഭിക്കാന്‍ 277.93 രൂപ നല്‍കണം. കുവൈത്തിന്റെ ശക്തമായ സാമ്പത്തിക അടിത്തറ തന്നെയാണ് ദിനാറിന്റെ ഉയര്‍ന്ന മൂല്യം ഉയരത്തില്‍ തുടരാന്‍ കാരണം. എണ്ണ സംഭരണം, നികുതി രഹിത സംവിധാനം, വിദേശ വിപണിയില്‍ ഉയര്‍ന്ന ഡിമാന്റ് എന്നിവയെല്ലാമാണ് കുവൈത്ത് ദിനാറിനെ ഒന്നാം സ്ഥാനത്ത് നിര്‍ത്തുന്നത്. ഏകദേശം ഒരു ട്രില്യണ്‍ ഡോളര്‍ കരുതല്‍ ശേഖരം, ആസ്തികള്‍, സ്വര്‍ണം എന്നിവയുടെ പിന്‍ബലമാണ് കുവൈത്ത് ദിനാറിനെ ലോകത്തെ ഏറ്റവും ശക്തമായ കറന്‍സിയായി നിലനിര്‍ത്തുന്നത്. 1990കളുടെ തുടക്കത്തിലെ ഇറാഖ് അധിനിവേശംമൂലം (ഗള്‍ഫ് യുദ്ധം) തകര്‍ന്നടിഞ്ഞ സാമ്പത്തിക സാഹചര്യത്തില്‍നിന്നാണ് കുവൈത്ത് ഈ വിധത്തില്‍ കരകയറി കറന്‍സി മൂല്യത്തിന്റെ കാര്യത്തില്‍ തലയെടുപ്പോടെ ഇന്ന് നില്‍ക്കുന്നത്.

 

 

 

മൂല്യമേറിയ കറന്‍സികളുടെ പട്ടികയില്‍ ആദ്യ അഞ്ചില്‍ നാലും അറബ് രാജ്യങ്ങളുടെ കറന്‍സികളാണ്. ബഹ്‌റൈന്‍ ദിനാര്‍ (BHD) ആണ് മൂല്യത്തിന്റെ കാര്യത്തില്‍ രണ്ടാമതുള്ള കറന്‍സി. 227 രൂപയാണ് ഒരു ബഹ്‌റൈന്‍ ദിനാര്‍ ലഭിക്കാന്‍ വേണ്ടത്. എണ്ണ സമ്പത്ത്, ഡോളറുമായി വിനിമയത്തിലുള്ള സൗകര്യം എന്നിവയെല്ലാമാണ് ബഹ്‌റൈന്‍ ദിനാറിനെ രണ്ടാംസ്ഥാനത്ത് നിലനിര്‍ത്തുന്നത്. ഒമാന്റെ കറന്‍സിയായ ഒമാന്‍ റിയാല്‍ (OMR) ആണ് മൂന്നാം സ്ഥാനത്ത്. 222.46 രൂപയാണ് ഒമാന്‍ റിയാലിന്റെ മൂല്യം. ഗള്‍ഫ് രാഷ്ട്രങ്ങളോട് ചേര്‍ന്നുകിടക്കുന്നതും, എല്ലാ ഗള്‍ഫ് കൂട്ടായ്മയില്‍ ഉള്‍പ്പെടാത്തതുമായ ജോര്‍ദാന്റെ കറന്‍സിയായ ജോര്‍ദാന്‍ ദിനാര്‍ ആണ് നാലാം സ്ഥാനത്ത്. 

 

 

നാലാം സ്ഥാനത്ത് ആണെങ്കിലും മൂന്നാം സ്ഥാനത്തുള്ള ഒമാനുമായി വന്‍ അന്തരമുണ്ട് ജോര്‍ദാന്റെ ദിനാറിന്. 120 രൂപയാണ് ഒരു ജോര്‍ദാന്‍ ദിനാര്‍ (JOR) ലഭിക്കാന്‍ വേണ്ടത്. ഐബീരിയന്‍ ഉപദ്വീപിന്റെ തെക്കേ അറ്റത്തായി മെഡിറ്ററേനിയന്‍ കടലിലെ ദ്വീപായ ജിബ്രാള്‍ട്ടറിന്റെ പൗണ്ട് ആണ് മൂല്യത്തിന്റെ കാര്യത്തില്‍ അഞ്ചാംസ്ഥാനത്ത്. 110.66 രൂപയാണ് ഒരു ജിബ്രാള്‍ട്ടര്‍ പൗണ്ട് (GI) ലഭിക്കാന്‍ വേണ്ടത്.

 

 

1. Kuwaiti Dinar (KWD) : 280.28. (3.24)

 

2. Bahraini Dinar (BHD): 229.15. (2.65)

 

3. Omani Rial (OMR): 225.11. (2.60)

 

4. Jordanian Dinar (JOD) 121.97. (1.41)

 

5. Gibraltar Pound (GIP) 105.64. (1.21)

 

6. British Pound (GBP) 105.55. (1.22)

 

7. Cayman Island Dollar (KYD): 103.64. (1.20)

 

8. Swiss Franc (CHF): 94.89. (1.10)

 

9. Euro (EUR): 89.21: (1.03)

 

10. United States Dollar (USD): 86.49. (1.00)

 

11. Canadian Dollar (CAD): 61.16. (0.70)

 

12. Brunei Dollar (BND) : 64.62. (0.74)

 

13. Singapore Dollar (SGD): 64.67). (0.74)

 

14. Australian Dollar (AUD): 55.20. (0.64)

 

15. New Zealand Dollar (NZD): 49.69. (0.57)

 

The value of the US dollar is increasing due to various global phenomena. Currently, one US dollar costs Rs 85.69 INR. The value of currencies is measured by comparing it to the US currency, the dollar.