തിരൂര്‍: ഉണ്യാല്‍ തീരദേശ മേഖലയിലുണ്ടായ സംഘട്ടനങ്ങളില്‍ കേസില്‍ ഉള്‍പ്പെട്ട ഒരാള്‍ കൂടി അറസ്റ്റില്‍. ഉണ്യാല്‍ ജ്ഞാനപ്രഭ സ്‌കൂള്‍ പരിസരത്തെ പണ്ടാരന്റെ പുരയ്ക്കല്‍ സക്കറിയയാണ് ഇന്നലെ അറസ്റ്റിലായത്. റൈസ് മില്‍ തകര്‍ക്കല്‍, പൊലിസിനു നേരെയുണ്ടായ ആക്രമണം എന്നീ സംഭവങ്ങളില്‍ പ്രതിചേര്‍ത്താണു സക്കറിയയെ താനൂര്‍ പൊലിസ് ഉണ്യാല്‍ സി.ആര്‍ ബീച്ചില്‍ നിന്നാണ് അറസ്റ്റ് ചെയ്തത്.  ഇയാള്‍ യൂത്ത് ലീഗ് പ്രവര്‍ത്തകനാണെന്നു പൊലിസ് പറഞ്ഞു.
പറവണ്ണ ആലിന്‍ചുവട് വച്ച് തിരൂര്‍ ഡി.വൈ.എസ്.പി കെ.വി സന്തോഷ്, താനൂര്‍ എസ്.ഐ സുമേഷ് സുധാകര്‍ എന്നിവരെ ആക്രമിച്ച സംഭവത്തില്‍ സക്കറിയയ്ക്കു കാര്യമായ പങ്കുണ്ടെന്നും പൊലിസ് പറഞ്ഞു.