കയ്പമംഗലം: പ്രസിദ്ധ ചരിത്രകാരനും തത്ത്വചിന്തകനും ഡെപ്യൂട്ടി സ്പീക്കറുമായിരുന്ന പി.കെ ഗോപാലകൃഷ്ണന്റെ ഏഴാം ചരമവാര്‍ഷിക ദിനാചരണത്തിന്റെ ഭാഗമായി സ്‌കൂള്‍ വിദ്യാര്‍ഥികള്‍ക്കായി സംഘടിപ്പിക്കുന്ന വിവിധ മത്സരങ്ങള്‍ ഈ മാസം പത്തിന് മതിലകം പുതിയകാവ് എ.എം യു.പി സ്‌കൂളില്‍ നടക്കും. പ്രബന്ധം, പ്രശ്‌നോത്തരി, ചിത്രരചന എന്നീ ഇനങ്ങളിലാണ് മത്സരങ്ങള്‍. എല്‍.പി, യു.പി, എച്ച്.എസ് എന്നീ വിഭാഗങ്ങളില്‍ നടത്തുന്ന മത്സരങ്ങളില്‍ വിജയികളാകുന്നവര്‍ക്ക് ഈ മാസം 21 നു ശ്രീനാരായണപുരം പോള ഹാളില്‍ നടക്കുന്ന അനുസ്മരണ സമ്മേളനത്തില്‍ വെച്ച് പുരസ്‌ക്കാരങ്ങള്‍ സമ്മാനിക്കും. രാവിലെ യു.പി, എച്ച്.എസ് വിഭാഗങ്ങളില്‍ പ്രബന്ധം, പ്രശ്‌നോത്തരി മത്സരങ്ങളും ഉച്ചക്ക് എല്‍.പി, യു.പി, എച്ച്.എസ് വിഭാഗങ്ങളില്‍ ചിത്ര രചന മത്സരങ്ങളും നടക്കും. വിവരങ്ങള്‍ക്ക് 9387326560,9249865749,9446828417.