ഭോപ്പാൽ:മധ്യപ്രദേശിലെ ഖർഗോണിൽ നിന്നൊരു അപൂർവ മോഷണസംഭവം വൈറലാകുന്നു. ഒരു കടയിൽ നിന്നുള്ള 2.45 ലക്ഷം രൂപയുടെ മോഷണത്തിനുശേഷം, താൻ അതിൽ ഖേദിക്കുന്നു എന്നും ആ പണം തിരിച്ചു തരുന്നതാണെന്നുമുള്ള ക്ഷമാപണക്കത്ത് എഴുതി മോഷ്ടാവ് അവിടം വിട്ടിരിക്കുകയാണ്. രാമനവമി ദിനത്തിൽ നടന്ന സംഭവമാണ് പോലീസും കടയുടമയും സ്ഥിരീകരിച്ചത്.

ജാമിദർ മൊഹല്ലയിലെ ജുജാർ അലി ബൊഹ്‌റയുടെ കടയിലാണ് മോഷണം നടന്നത്. കടയുടമയുടെ ബാഗിൽ സൂക്ഷിച്ചിരുന്ന 2.84 ലക്ഷം രൂപയിൽ നിന്ന് ഏകദേശം 2.45 ലക്ഷം രൂപ എടുത്തുവെങ്കിലും 38,000 രൂപ അവിടെ തന്നെ വെച്ചിരുന്നതായി പൊലീസ് പറഞ്ഞു.

അച്ചടിച്ച ആക്ഷരങ്ങളിലുള്ള കത്താണ് കടയിൽ ഉപേക്ഷിച്ചിരുന്നത്. അസിസ്റ്റന്റ് സബ് ഇൻസ്‌പെക്ടർ അർഷാദ് ഖാനാണ് കത്തിനെപ്പറ്റിയുള്ള വിവരം സ്ഥിരീകരിച്ചത്.

 കത്തിൽ എഴുതിയിരുന്ന വാക്കുകൾ ഇങ്ങനെ:
“ഞാൻ നിങ്ങളുടെ അയൽവാസിയാണ്. ധാരാളം കടബാധ്യതയുണ്ട്. കടക്കാരുടെ നിരന്തര ശല്യം കാരണം എനിക്ക് വേറേ മാർ​ഗമില്ലാതെയായി. മോഷണം ചെയ്യാൻ എനിക്ക് ആഗ്രഹമില്ലായിരുന്നു, പക്ഷേ ഇത് ആവശ്യമായിരുന്നു. ആവശ്യമുള്ളതേ എടുത്തിട്ടുള്ളു. ബാക്കി പണം ബാഗിൽ തന്നെ വെച്ചിട്ടുണ്ട്. 6 മാസത്തിനകം മുഴുവൻ തുകയും തിരികെ നൽകും. നിങ്ങൾക്കിത് പോലീസിൽ പരാതി നൽകേണ്ടതാണെങ്കിൽ, അതിന് സ്വാതന്ത്ര്യമുണ്ട്.”

കത്തിൽ തിരിച്ചടവിന്റെ ഉറപ്പ് നൽകിയിട്ടുണ്ടെങ്കിലും, പണത്തിന്റെ ഉറവിടവും പ്രതിയെ കണ്ടെത്തുന്നതുമായി ബന്ധപ്പെട്ട അന്വേഷണം പൊലീസ് തുടരുകയാണ്. പ്രതി  സമീപവാസിയാണെന്ന സൂചനയും കത്തിൽ നൽകിയിട്ടുള്ളത്.

മോഷണം ചെയ്തിട്ടും ഖേദം പ്രകടിപ്പിച്ച് പണം തിരികെ കൊടുക്കുമെന്ന ഉറപ്പുമായി കത്ത് എഴുതിയ പ്രതിയുടെ മനോഭാവം സാമൂഹിക മാധ്യമങ്ങളിൽ ഏറെ ചർച്ചയാകുന്നുണ്ട്. ഒരപകടകരമായ തീരുമാനം എടുക്കേണ്ടി വന്ന ഒരു സാധാരണക്കാരന്റെ അടിയന്തരാവസ്ഥയാണ് ഇതിലൂടെ പ്രതിഫലിക്കുന്നത് എന്നതാണ് പലരും അഭിപ്രായപ്പെടുന്നത്.

In Madhya Pradesh's Khargone, a thief stole ₹2.45 lakh from a shop and left behind a letter apologizing, citing financial pressure and vowing to repay the money within six months.