കൊടകര: സഹൃദയ എന്‍ജിനീയറിങ് കോളജില്‍ ഇന്‍ഡസ്ട്രി ഇന്‍സ്റ്റിറ്റ്യൂട്ട് ഇന്ററാക്ഷന്‍ സെല്‍ തുടങ്ങി. ടെര്‍മോ പെന്‍പോള്‍ മാനേജിങ് ഡയറക്ടര്‍ ഡോ.സി ബാലഗോപാല്‍ ഉദ്ഘാടനം ചെയ്തു. കോളജ് എക്‌സിക്യൂട്ടീവ് ഡയറക്ടര്‍ ഫാ.ഡോ.ആന്റു ആലപ്പാടന്‍ അധ്യക്ഷനായി.  മാസത്തില്‍ രണ്ട് തവണ പ്രമുഖ കമ്പനികളുടെ മേധാവികളുമായി സംവാദം, ട്രെയിനിങ്, ഇന്‍ഡസ്ട്രിയല്‍ വിസിറ്റ്, പ്ലെയ്‌സ്‌മെന്റ് തുടങ്ങി വിവിധ മേഖലകളില്‍ വിദ്യാര്‍ഥികള്‍ക്ക് സൗകര്യമൊരുക്കുന്ന പദ്ധതിയാണിത്. പ്രിന്‍സിപ്പല്‍ ഡോ.സുധ ജോര്‍ജ് വളവി, ഡോ.ലിയോണ്‍ ഇട്ടിയച്ചന്‍,  വൈസ് പ്രിന്‍സിപ്പാള്‍ ഡോ.നിക്‌സണ്‍ കുരുവിള തുടങ്ങിയവര്‍ സംസാരിച്ചു.