തിരുവനന്തപുരം: യുവാവിനെ കുത്തിക്കൊലപ്പെടുത്താന്‍ ശ്രമിച്ച രണ്ട് പേരെ മ്യൂസിയം പൊലിസ് അറസ്റ്റ് ചെയ്തു. പട്ടം കിസ്മത്ത് ഹോട്ടലില്‍ വച്ചായിരുന്നു സംഭവം. കാരോട് മാറാടി ജനത ലൈബ്രറിക്ക് സമീപമുള്ള ആദര്‍ശ് നിവാസില്‍ ആദര്‍ശ് (19). കാരോട് എണ്ണവിള കനാല്‍ ട്രെഡേഴ്‌സിന് സമീപം താമസിക്കുന്ന അഭിജിത് കോട്ടജില്‍ അമിത് കുമാര്‍ (24) എന്നിവരാണ് പിടിയിലായത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.

അട്ടക്കുളങ്ങര സ്വദേശി ഷിബിന്‍ എന്ന യുവാവിനെ ആക്രമിച്ച സംഭവത്തിലാണ് ഇരുവരും പിടിയിലായത്. കഴുത്തിന് കുത്തേറ്റ ഷിബിന്‍ മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുകയാണ്. ഷിബിന്റെ സുഹൃത്തായ കാല്‍വിന്റെ മൊബൈല്‍ ഫോണ്‍ വില്‍പ്പനയെ ചൊല്ലി ഒരു മാസം മുമ്പ് ഓവര്‍ബ്രിഡ്ജ് പ്രദേശത്ത് നടന്ന വഴക്കാണ് ആക്രമണത്തിന് കാരണമെന്നാണ് പൊലിസ് പറയുന്നത്. 

ഇന്നലെ പുലര്‍ച്ചെ ഹോട്ടലില്‍ എത്തിയ ഷിബിനെ കുത്തിയശേഷം പ്രതികള്‍ ഒളിവില്‍ പോകുകയായിരുന്നു. സംഭവത്തില്‍ മ്യൂസിയം ഐഎസ്എച്ച്ഒ വിമലിന്റെ നേതൃത്വത്തില്‍ അന്വേഷണം ആരംഭിച്ചിരുന്നു. ഇതിനിടയില്‍, തമിഴ്‌നാട്ടിലേക്ക് കടക്കാന്‍ ശ്രമിക്കവേയാണ് പ്രതികളെ പൊലിസ് പിടികൂടിയത്.

A young man was stabbed in a hotel in Patta, and the suspects were arrested by the police while attempting to flee the state. The incident has raised concerns about public safety, and the authorities are investigating the circumstances surrounding the attempted murder