പാലാ: നിയന്ത്രണം വിട്ട ജീപ്പിടിച്ച് ബൈക്ക് യാത്രക്കാരന് പരിക്ക്.
ഇടിയുടെ ആഘാതത്തില്‍ ബൈക്ക്യാത്രക്കാരന്‍ പാലത്തില്‍ തെറിച്ച്  താഴെയുള്ള റോഡിലേക്ക് വീഴുകയായിരുന്നു . ഈരാറ്റുപേട്ട സ്വദേശി പ്രേം(28)ആണ് പരിക്കേറ്റത്. ഇയാളെ ഉടന്‍ തന്നെ തെള്ളകത്തെ സ്വകാര്യ ആശുപത്രിയില്‍ പ്രവേശിപ്പിച്ചു.  
ശനിയാഴ്ച ഉച്ചയ്ക്ക് 12.30ന് ഭരണങ്ങാനം വിലങ്ങുപാറ പാലത്തിന് സമീപമാണ് അപകടം.  ഭരണങ്ങാനത്ത നിന്ന് ഇടമറ്റത്തേയ്ക്ക് പോവുകയായിരുന്ന ബൈക്കിലാണ് എതിര്‍ വശത്തു നിന്നു വരികയായിരുന്ന ജീപ്പിടിച്ചത്. ജീപ്പ് നിയന്ത്രണം വിട്ട് മറ്റൊരു ജീപ്പില്‍ ഇടിച്ച ശേഷമാണ് ബൈക്കിലിടിച്ചത്. തെറിച്ചു വീണ യാത്രക്കാരനെ് കാണാതായത് പരിഭ്രാന്തി സൃഷ്ടിച്ചു.
ആറ്റിലേക്ക് വീണെന്ന് കരുതി പൊലിസും നാട്ടുകാരും വിവരമറിയച്ചതിനെത്തുടര്‍ന്ന് ഫയര്‍ ഫോഴ്‌സ് രംഗത്തെത്തി.തുടര്‍ന്ന് നടത്തിയ പരിശോധനയില്‍ പാലത്തിന് താഴെയുള്ള റോഡരികില്‍ കണ്ടെത്തുകയായിരുന്നു.