കാസർകോട്: ബേഡകത്ത് പലചരക്ക് കട നടത്തിവന്ന യുവതിയെ കടയ്ക്കുള്ളിൽ ടിന്നർ ഒഴിച്ച് തീകൊളുത്തി കൊലപ്പെടുത്തി. ബേഡകം സ്വദേശിനി രമിത (32) ആണ് മരിച്ചത്. മംഗലാപുരത്തെ ആശുപത്രിയിൽ ചികിത്സയിലിരിക്കെ ഞായറാഴ്ചയാണ് മരണം സംഭവിച്ചത്.

കർണാടക സ്വദേശിയായ രാമാമൃതമാണ് ആക്രമണം നടത്തിയത്. രമിതയുടെ കടയ്ക്ക് സമീപം ഫർണിച്ചർ കട നടത്തിവരികയായിരുന്നു ഇയാൾ. ഒരു വർഷമായി രാമാമൃതം മദ്യപിച്ച് രമിതയുടെ കടയിൽ എത്തി ശല്യം ചെയ്തിരുന്നതായി പരാതി ഉയർന്നിരുന്നു. ഇതേക്കുറിച്ച് രമിത കടയുടമയോട് പരാതിപ്പെട്ടതിനെ തുടർന്ന് രാമാമൃതത്തോട് കടമുറി ഒഴിയാൻ ആവശ്യപ്പെട്ടിരുന്നു. ഇതിന്റെ വൈരാഗ്യമാണ് ആക്രമണത്തിന് കാരണമായതെന്ന്  പൊലിസ് പറഞ്ഞു.

ഈ മാസം എട്ടിനാണ് രമിതയ്ക്ക് നേരെ ആക്രമണം നടന്നത്. സംഭവത്തിൽ രാമാമൃതത്തെ  പൊലിസ് കസ്റ്റഡിയിലെടുത്തു. കേസിൽ അന്വേഷണം തുടരുകയാണ്.

A young woman was burned alive in a shop in Kasargod. The accused has been taken into police custody, and an investigation is underway