പൂച്ചാക്കല്‍: പാലത്തില്‍ സ്ഥാപിച്ച വിളക്കുകള്‍ പ്രകാശിപ്പിക്കല്‍ ഉദ്ഘാടനം പഞ്ചായത്തുകളുടെ തര്‍ക്കത്തെ തുടര്‍ന്ന് മാറ്റിവെച്ചു. തൈക്കാട്ടുശ്ശേരിതുറവൂര്‍ പാലത്തില്‍ കെ.സി.വേണുഗോപാല്‍ എം.പി.യുടെ വികസന ഫണ്ട് ഉപയോഗിച്ച് സ്ഥാപിച്ച വിളക്കുകള്‍ പ്രകാശിപ്പിക്കുന്നതിനുള്ള ചടങ്ങാണ് തൈക്കാട്ടുശ്ശേരി,തുറവൂര്‍ പഞ്ചായത്തുകളുടെ തര്‍ക്കം മൂലം മാറ്റിവെച്ചത്. സെപ്തംബര്‍ അഞ്ചിന് വൈകിട്ട് ആറിന് ആയിരുന്നു ഉദ്ഘാടനം നിശ്ചയിക്കുന്നത്.എന്നാല്‍ വൈദ്യുതി ചാര്‍ജ്ജ് അടക്കുന്നതുമായി ബന്ധപ്പെട്ട തര്‍ക്കമാണ് ചടങ്ങ് മാറ്റിവെക്കാന്‍ കാരണമായത്. പാലത്തില്‍ സ്ഥാപിച്ച വിളക്കുകള്‍ അടിയന്തിരമായി പ്രകാശിപ്പിക്കുന്നതിനുള്ള നടപടി ഇരുപഞ്ചായത്തുകളും സ്വീകരിക്കണമെന്ന് കോണ്‍ഗ്രസ്സ് തൈക്കാട്ടുശ്ശേരി മണ്ഡലം കമ്മിറ്റി ആവശ്യപ്പെട്ടു.