ടോക്കിയോ: ഫെരാരി വാങ്ങിയതിൻറെ ആദ്യ മണിക്കൂറിൽ തന്നെ കത്തിനശിച്ചപ്പോൾ പത്തുവർഷം സമ്പാദിച്ചുണ്ടാക്കിയ സ്വപ്നം ചാരമായി അവസാനിക്കുകയായിരുന്നു. ജപ്പാനിലെ 33-കാരനായ സംഗീതജ്ഞൻ ഹോങ്കോന്റെ സ്വപ്‌ന വാഹനം — ഫെരാരി 458 സ്‌പൈഡർ ലോറൂമിൽനിന്ന് പുറത്തിറക്കി മണിക്കൂറുകൾക്കകം തീപിടിച്ച് കത്തി നശിച്ചു. കാറിനായി ഇയാൾ ചെലവഴിച്ചത് ഏകദേശം 2.5 കോടി രൂപയാണ്.

社長がフェラーリ買ったらしいから乗せてもらった1時間後に燃えた pic.twitter.com/kZq4QYgwkZ

— ポケカメン@ちょこらび (@GC5R5OGIKgV0yvz) April 16, 2025

ഹോങ്കോൻ, കുറേ കാലമായി സ്വപ്നം കണ്ടിരുന്ന ഈ ആഡംബര കാറിന്റെ ഓണർഷിപ്പ് ഏറ്റുവാങ്ങിയത് വലിയ ആവേശത്തോടെയായിരുന്നു. എന്നാൽ ജപ്പാനിലെ ഷൂട്ടോ എക്‌സ്പ്രസ് വേയിൽ ഡ്രൈവ് ചെയ്യുന്നതിനിടെ വാഹനത്തിൽ നിന്നും പെട്ടെന്ന് പുക ഉയരുന്നത് കാണുകയും ഉടൻ വാഹനം നിർത്തുകയും ചെയ്തു. ഉടൻ പുറത്തേക്ക് ഓടിയിറങ്ങിയ ഇയാൾ അതിനുശേഷം തന്റെ കണ്മുമ്പിൽ തന്നെ വാഹനം പൂർണമായും കത്തിനശിക്കുന്നതും കാണേണ്ടി വന്നു.

ആകെ 20 മിനിറ്റെടുത്താണ് തീ അണക്കാനായത്. എന്നാൽ ബംപറിന്റെ ചെറിയ ഭാഗം ഒഴിച്ചാൽ ബാക്കി മുഴുവൻ കാർ പൂർണമായും ചാമ്പലായി.

അപകടത്തിന് മുൻപ് വാഹനം എങ്ങും ഇടിച്ചിട്ടില്ലെന്നും, തീപിടിത്തത്തിന് കാരണം ഇതുവരെ കണ്ടെത്താനായില്ലെന്നും ഹോങ്കോൻ വ്യക്തമാക്കുന്നു. മെട്രോപ്പൊളിറ്റൻ പോലീസ് സംഭവത്തിൽ അന്വേഷണം ആരംഭിച്ചിട്ടുണ്ട്.

താൻ നേരിട്ട ദുഃഖകരമായ അനുഭവം ഹോങ്കോൻ സോഷ്യൽ മീഡിയയിലൂടെ പങ്കുവെച്ചതോടെ ഈ വാർത്ത സോഷ്യൽ മീഡിയയിൽ വ്യാപകമായി പ്രചാരത്തിലായി.

"എന്റെ ഫെരാരി ഡെലിവറി കഴിഞ്ഞ് ഒരു മണിക്കൂറിനുള്ളിൽ കത്തിനശിച്ചു. ജപ്പാനിൽ ഇങ്ങനെ ഒരു വിധി നേരിട്ട ഒരേയൊരു വ്യക്തി ഞാനായിരിക്കും എന്ന് ഉറപ്പാണ്," — ഹോങ്കോൻ എക്സിൽ കുറിച്ചു .

A 33-year-old musician in Japan watched his dream car, a Ferrari 458 Spider worth ₹2.5 crore, go up in flames just an hour after taking delivery. The car caught fire while he was driving on the Shuto Expressway. Though he escaped unharmed, the vehicle was completely destroyed. The cause of the fire remains unknown, and police have launched an investigation. The incident has since gone viral on social media.