ആലപ്പുഴ: ഓള്‍ കേരള ഗോള്‍ഡ് ആന്റ് സില്‍വര്‍ മര്‍ച്ചന്റ്‌സ് അസോസിയേഷന്‍ സംസ്ഥാന നേതൃസംഗമം ആലപ്പുഴ പി.റ്റി. ചെറിയാന്‍ നഗറില്‍ നടന്നു. മന്ത്രി പി. തിലോത്തമന്‍ ഉദ്ഘാടനം ചെയ്തു.
സംസ്ഥാനതലത്തില്‍ നടപ്പാക്കുന്ന ജീവകാരുണ്യ പദ്ധതിയുടെ ഉദ്ഘാടനവും അദ്ദേഹം നിര്‍വഹിച്ചു. ലീഗല്‍ മെട്രോളജി, ബി.ഐ.എസ്, ഹാള്‍മാര്‍ക്കിംഗ് സെമിനാറുകളും സംഘടിപ്പിച്ചു. അഡ്വ. എസ്. സുധീര്‍, ബി.ഐ.എസ് കൊച്ചി ബ്യൂറോ ഡയറക്ടര്‍ കെ. കതിര്‍വേല്‍ എന്നിവര്‍ ക്ലാസുകള്‍ നയിച്ചു.
എ.കെ.ജി.എസ്.എം.എ. സംസ്ഥാന പ്രസിഡന്റ് ജസ്റ്റിന്‍ പാലത്ര, ജനറല്‍ സെക്രട്ടറി പി.സി. നടേശന്‍ എന്നിവര്‍ മുഖ്യപ്രഭാഷണം നടത്തി.
അബ്ദുല്‍ ഖരീം കാസര്‍കോട് പതാകയുയര്‍ത്തി. ഇസ്മയില്‍കുട്ടി, എം. നാദിര്‍ഷ, ജോസ് വര്‍ക്കി കാക്കനാട്ട്, പി.കെ. അയമു ഹാജി, എ.വി.ജെ മണി, ആലപ്പി മോഹന്‍, എബി പാലത്ര, കോടോത്ത് അശോകന്‍നായര്‍ തുടങ്ങിയവര്‍ സംസാരിച്ചു.