ശ്രീനഗര്‍: കശ്മീരിലെ ഉധംപൂര്‍ ജില്ലയിലെ ദൂതു മേഖലയില്‍ സൈന്യവും ഭീകരരും തമ്മില്‍ ഉണ്ടായ ഏറ്റുമുട്ടലില്‍ ഒരു സൈനികന് വീരമൃത്യു. 'ഓപ്പറേഷന്‍ ബര്‍ലിഗലി' എന്ന പേരില്‍ നടക്കുന്ന ഈ സംയുക്ത സൈനിക നീക്കത്തില്‍ സിആര്‍പിഎഫ്, ജമ്മുകശ്മീര്‍ പൊലിസ്, ഇന്ത്യന്‍ ആര്‍മി എന്നിവര്‍ പങ്കാളികളാണ്.

#OpBirliGali
Based on specific intelligence, a joint operation with @JmuKmrPolice was launched today in #Basantgarh, #Udhampur.
Contact was established and a fierce firefight ensued.

One of our #Bravehearts sustained grievous injuries in the initial exchange and later succumbed… pic.twitter.com/eojsj5PPuU

— White Knight Corps (@Whiteknight_IA) April 24, 2025

ഭീകരരുടെ താവളം കണ്ടെത്തിയ സൈന്യം അവരെ വളഞ്ഞതോടെ ശക്തമായ ഏറ്റുമുട്ടല്‍ ഉണ്ടാകുകയായിരുന്നു. ഏറ്റുമുട്ടലില്‍ ഗുരുതരമായി പരുക്കേറ്റ സൈനികനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പ്രദേശത്ത് മൂന്ന് ഭീകരരുണ്ടെന്നും തുടര്‍ച്ചയായി വെടിയൊച്ചകള്‍ കേള്‍ക്കാമെന്നും റിപ്പോര്‍ട്ടുകള്‍ ഉണ്ട്. 

പഹല്‍ഗാം ആക്രമണം കഴിഞ്ഞ് രണ്ട് ദിവസം പിന്നിടുമ്പോള്‍ രണ്ടാം തവണയാണ് ഭീകരരുമായി ഏറ്റുമുട്ടലുണ്ടാകുന്നത്. ഇന്നലെ രാവിലെ ബാരാമുള്ളയില്‍ നുഴഞ്ഞു കയറാന്‍ ശ്രമിച്ച രണ്ട് ഭീകരരെ സൈന്യം വധിച്ചിരുന്നു. പഹല്‍ഗാം ആക്രമണത്തിന്റെ പശ്ചാതലത്തില്‍ സൈന്യം രാജ്യത്തുടനീളം സുരക്ഷ ശക്തിപ്പെടുത്തിയിട്ടുണ്ട്.

An Indian Army soldier made the supreme sacrifice during an ongoing anti-terror operation in the Dudu area of Udhampur district, Jammu & Kashmir. The encounter, part of 'Operation Barligali', comes just days after the Pahalgam terror attack. Security forces have cordoned off the area where 3 terrorists are reportedly trapped, with intermittent gunfire continuing.