ചെന്നൈ: തമിഴ്‌നാട്ടില്‍ മന്ത്രിമാരായ സെന്തില്‍ ബാലാജിയും കെ. പൊന്‍മുടിയും രാജിവച്ചു. വൈദ്യുതി, എക്‌സൈസ് വകുപ്പ് മന്തി സെന്തില്‍ ബാലാജിയും വനം വകുപ്പ് മന്ത്രി കെ. പൊന്‍മുടിയുമാണ് രാജിവച്ചത്.

ഗവണ്‍മെന്റ് ജോലിക്ക് കോഴ വാങ്ങിയ കേസിലെ ജാമ്യം റദ്ദാക്കുമെന്ന സുപ്രീം കോടതിയുടെ മുന്നറിയിപ്പിനെ തുടര്‍ന്നാണ് സെന്തില്‍ ബാലാജി രാജിവച്ചത്. വ്യക്തി സ്വാതന്ത്ര്യമാണോ മന്ത്രിപദവിയാണോ വേണ്ടതെന്ന് തിങ്കളാഴ്ചക്കുള്ളില്‍ അറിയിക്കണമെന്ന് സുപ്രീം കോടതിയോട് നിര്‍ദ്ദേശിച്ചിരുന്നു. 

അടുത്തിടെ നടന്ന ഒരു പരിപാടിക്കിടെ ശൈവ വൈഷ്ണവ വിഭാഗങ്ങള്‍ക്കെതിരെ പൊന്‍മുടി നടത്തിയ അശ്ലീല പരാമര്‍ശത്തിനെതിരെ മദ്രാസ് ഹൈക്കോടതി സ്വമേധയാ കേസെടുത്തിരുന്നു. ഈ സാഹചര്യത്തിലാണ് പൊന്‍മുടിയുടെ രാജി. നാല് വര്‍ഷത്തിനിടെ ആറാം തവണയാണ് തമിഴ്‌നാട്ടില്‍ പുനഃസംഘടന നടത്തുന്നത്‌