കാസർകോട്: ബേക്കലിനടുത്ത് തീരദേശ സംസ്ഥാനപാതയിൽ നടന്ന പരിശോധനയിൽ 1.17 കോടി രൂപയുടെ കുഴൽപ്പണവുമായി ഒരാൾ അറസ്റ്റിൽ. ബേക്കൽ തൃക്കണ്ണാട് വെച്ചാണ് പൊലീസ് പണം പിടികൂടിയത്. ബേക്കൽ സ്റ്റേഷൻ പരിധിയിലെ മേൽപ്പറമ്പിനടുത്ത് ലിയ മൻസിലിൽ താമസിക്കുന്ന അബ്ദുൽ ഖാദർ (46) ആണ് പിടിയിലായത്. ഇയാളുടെ വാഗണർ കാറിൽ പ്രത്യേകം തയ്യാറാക്കിയ രഹസ്യ അറയിൽ പണം ഒളിപ്പിച്ച നിലയിലാണ് കണ്ടെത്തിയത്.

പണത്തിന് ആവശ്യമായ രേഖകൾ ഹാജരാക്കാൻ പ്രതിക്ക് കഴിഞ്ഞില്ലെന്ന് ബേക്കൽ എസ്എച്ച്ഒ ഡോ. അപർണ ഐപിഎസ് അറിയിച്ചു. കേസുമായി ബന്ധപ്പെട്ട കൂടുതൽ വിവരങ്ങൾ അന്വേഷിച്ചു വരികയാണ്. ഡിവൈഎസ്പി വി.വി. മനോജ്, ഇൻസ്പെക്ടർ കെ.പി. ഷൈൻ എന്നിവരുടെ നേതൃത്വത്തിലാണ് റെയ്ഡ് നടത്തിയത്. 

Authorities seized ₹1.17 crore in black money hidden in a car's secret compartment during a smuggling attempt. One person has been arrested in connection with the incident.