കാസര്‍ഗോഡ്: ഉമ്മ ചക്ക മുറിച്ചുകൊണ്ടിരുന്ന സമയത്ത് അപകടവശാൽ കൊടുവാളിലേക്ക് വീണ് എട്ടുവയസ്സുകാരൻ മരിച്ചു. വിദ്യാനഗറിലെ പാടി ബെള്ലൂറടുക്ക സ്വദേശിനി സുലേഖയുടെ മകൻ ഹുസൈൻ ഷഹബാസാണ് മരിച്ചത്. പോലീസിന്റെ പ്രാഥമിക വിവരമനുസരിച്ച്, കുട്ടി കളിക്കുന്നതിനിടെ കാല്‍ തെന്നി ചക്ക മുറിക്കാന്‍ ഉപയോഗിച്ച കൊടുവാള്‍ ഘടിപ്പിച്ച പലകയ്ക്ക് മുകളിലേക്ക് വീഴുകയായിരുന്നു. കുട്ടിക്ക് ഗുരുതരമായി പരിക്കേറ്റതോടെയാണ് ആശുപത്രിയിലെത്തിച്ചത്. എന്നാല്‍ രക്ഷിക്കാനായില്ല.

സുലേഖയുടെ ഇരട്ടക്കുട്ടികളിലൊരാളാണ് ഷഹബാസ്. മരണത്തിൽ ദുരൂഹതയില്ലെന്ന് പൊലീസ് വ്യക്തമാക്കിയിട്ടുണ്ട്. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചിട്ടുണ്ട്.