ലണ്ടന്‍: ബ്രിട്ടന്‍ തലസ്ഥാനമായ ലണ്ടനില്‍ നവജാത ശിശുക്കള്‍ക്ക് നല്‍കുന്ന പേരുകളില്‍ ഏറ്റവും ജനപ്രിയമായത് മുഹമ്മദ്. നാഷനല്‍ സ്റ്റാറ്റിസ്റ്റിക്‌സ് നടത്തിയ സര്‍വേയിലാണ് ഇതു വ്യക്തമാക്കുന്നത്. 798 ആണ്‍കുട്ടികള്‍ക്കാണ് കഴിഞ്ഞ വര്‍ഷം ലണ്ടനില്‍ മുഹമ്മദ് എന്നു പേരിട്ടത്. രണ്ടാം സ്ഥാനത്തുള്ള ഒലിവര്‍ എന്ന പേരിട്ടത് 654 കുട്ടികള്‍ക്കാണ്. പെണ്‍കുട്ടികളുടെ പേരില്‍ അമീലിയയാണ് ഒന്നാം സ്ഥാനത്ത്. 717 കുട്ടികള്‍ക്ക് അമീലിയ എന്ന പേരു നല്‍കി. 674 പേരുമായി ഒലിവീയ രണ്ടാംസ്ഥാനത്താണ്. നേരത്തെയും മുഹമ്മദ് എന്ന പേര് ഒന്നാമതായി തിരഞ്ഞെടുക്കപ്പെട്ടിരുന്നു.
ഇന്ത്യ, പാകിസ്താന്‍, ബംഗ്ലാദേശ് എന്നീ രാജ്യങ്ങളില്‍ നിന്നുള്ളവരുടെ സാന്നിധ്യമാണ് മുഹമ്മദ് എന്ന പേരിനു ലണ്ടനില്‍ സ്വീകാര്യത വര്‍ധിക്കാന്‍ കാരണം.