ദുബൈ: ഹജ്ജ് സീസണിലെ തീർത്ഥാടക തിരക്ക് കൈകാര്യം ചെയ്യുന്നതിനായി വിപുലമായ തയ്യാറെടുപ്പുകളുമായി സഊദി അറേബ്യ. ഇതിനായി പതിനായിരക്കണക്കിന് ഗതാഗത വാഹനങ്ങൾ വിന്യസിച്ചിട്ടുണ്ട്. കൂടാതെ വ്യോമ, കര, കടൽ, റെയിൽ ശൃംഖലകളിലൂടെയുള്ള പ്രവർത്തനങ്ങൾ വർധിപ്പിക്കുകയും ചെയ്തിട്ടുണ്ട്. 

ദശലക്ഷക്കണക്കിന് വരുന്ന ഹജ്ജ് തീർത്ഥാടകരുടെ സുഗമമായ യാത്രയെ പിന്തുണയ്ക്കുന്നതിനുള്ള സംയോജിത ദേശീയ പദ്ധതിയുടെ ഭാഗമായി 25,000ത്തിലധികം ബസുകളും 9,000ലധികം ടാക്സികളും സജ്ജമാക്കിയിട്ടുണ്ടെന്ന് ഗതാഗത, ലോജിസ്റ്റിക്സ് മന്ത്രാലയം പ്രസ്താവനയിൽ വ്യക്തമാക്കി.

ഷെഡ്യൂൾഡ്, ചാർട്ടേഡ് വിമാനങ്ങളിൽ തീർഥാടകർക്കായി മൂന്ന് ദശലക്ഷത്തിലധികം സീറ്റുകൾ ഉറപ്പാക്കിയതായി ജനറൽ അതോറിറ്റി ഓഫ് സിവിൽ ഏവിയേഷൻ (GACA) അറിയിച്ചു. സുഗമമായ യാത്ര ഉറപ്പാക്കുന്നതിനായി വിമാനത്താവളങ്ങളുടെയും സേവനദാതാക്കളെയും കാര്യക്ഷമത പരിശോധിക്കുന്നതിന് പരിശോധനാസംഘങ്ങളെയും ഏർപ്പാടാക്കിയിട്ടുണ്ട്.

Saudi Arabia is making comprehensive preparations to handle the surge of pilgrims during the Hajj season. Thousands of transportation vehicles have been deployed, and operations across air, land, sea, and rail networks have been expanded to ensure a smooth and efficient travel experience for pilgrims.