തിരുവനന്തപുരം: മറുനാടൻ മലയാളി യൂട്യൂബ് ചാനലിന്റെ ഉടമ ഷാജൻ സ്കറിയ അപകീർത്തി കേസുമായി ബന്ധപ്പെട്ട് അറസ്റ്റിൽ. മാഹി സ്വദേശി ഗാന വിജയന്റെ പരാതിയെ തുടർന്നാണ് പൊലീസ് നടപടി. തനിക്കെതിരെ വ്യാജവാർത്തകൾ പ്രചരിപ്പിച്ച് അപകീർത്തിപ്പെടുത്താൻ ശ്രമിച്ചുവെന്നാണ് പരാതിക്കാരന്റെ ആരോപണം. തിരുവനന്തപുരം കൊടപ്പനക്കുന്നിലെ വസതിയിൽ നിന്നാണ് ഷാജനെ പൊലീസ് കസ്റ്റഡിയിലെടുത്തത്.

നിലവിൽ, ഷാജൻ സ്കറിയയെ പൊലീസ് ചോദ്യം ചെയ്തു വരികയാണ്. ഗാന വിജയൻ ഹണി ട്രാപ്പ് ഉൾപ്പെടെയുള്ള തട്ടിപ്പുകൾ നടത്തിയെന്ന ആരോപണമാണ് മറുനാടൻ മലയാളി ചാനൽ ഉന്നയിച്ചിരുന്നത്. ജാമ്യം ലഭിക്കാത്ത വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. മുൻപും സമാനമായ അപകീർത്തികരമായ വാർത്തകൾ പ്രസിദ്ധീകരിച്ചതിന്റെ പേര് പറഞ്ഞ് ഷാജനെ പൊലീസ് അറസ്റ്റ് ചെയ്തിരുന്നു.