തിരുവനന്തപുരം: സ്വകാര്യ ബസുകളുടെ പെർമിറ്റിന്റെ കാര്യത്തിൽ പുതിയ നടപടിയുമായി ഗതാഗത വകുപ്പ്. ഒരേ റൂട്ടിൽ ഓടുന്ന സ്വകാര്യ ബസ്സുകൾ തമ്മിൽ 10 മിനിറ്റ് ഇടവേള ഉണ്ടെങ്കിൽ മാത്രമേ പെർമിറ്റ് നൽകുള്ളുവെന്ന് ഗതാഗത വകുപ്പ് മന്ത്രി കെബി ഗണേഷ് കുമാർ. ഈ വിഷയം സംബന്ധിച്ച് ഉത്തരവ് ഗതാഗത വകുപ്പ് പുറത്തിറക്കും. ഈ നടപടിയിൽ ബസ് ഉടമകൾ എതിർപ്പ് ഉയർത്തുകയാണെങ്കിൽ നിയമപരമായി നേരിടുമെന്നും ഗണേഷ് കുമാർ വ്യക്തമാക്കി.

ട്രാൻസ്പോർട്ട് കമ്മീഷണറുടെയും റോഡ് സേഫ്റ്റി കമ്മീഷണറുടെയും റിപ്പോർട്ട് കിട്ടിയാൽ ഉടൻ തന്നെ ഉത്തരവ് പുറത്തിറക്കും എന്നാണ് ഗതാഗത മന്ത്രി അറിയിച്ചത്. കേരളത്തിൽ സ്വകാര്യ ബസുകളുടെ മത്സര ഓട്ടത്തിന് പിന്നാലെ ഉണ്ടാവുന്ന അപകടങ്ങളുടെയും മരണങ്ങളുടെയും പശ്ചാത്തലത്തിലാണ് ഈ തീരുമാനം. ബസ്സുകളുടെ മത്സരയോട്ടം സർക്കാർ കർശനമായി നിയന്ത്രിക്കുമെന്നും മന്ത്രി അറിയിച്ചു.

Buses running on the same route will be allowed only at 10-minute intervals Transport Department with new measure