തിരുവനന്തപുരം: പേവിഷ ബാധയെ തുടർന്നുണ്ടായ മരണത്തിന് പിന്നാലെ അന്വേഷണത്തിന് ഉത്തരവിട്ട് മനുഷ്യാവകാശ കമ്മീഷൻ. മെഡിക്കൽ വിദ്യഭ്യാസ നേതൃത്തിലാണ് അന്വേഷണം നടത്തണമെന്നും ഒരു മാസത്തിനകം വാക്സിന്റെ കാര്യക്ഷമത പരിശോധിച്ചുകൊണ്ട് റിപ്പോർട്ട് സമർപ്പിക്കണമെന്നുമാണ് നിർദേശം നൽകിയിട്ടുള്ളത്. 

ഏപ്രിൽ എട്ടാം തീയതിയായിരുന്നു കൊല്ലം വിളക്കുടി സ്വദേശിയായ നിയ ഫൈസലിനെ തെരുവുനായ കടിച്ചത്. ഏഴ് വയസായിരുന്നു കുട്ടിയുടെ പ്രായം. ഇതിന് പിന്നാലെ കുട്ടിക്ക് എല്ലാ പ്രതിരോധ വാക്സിനും എടുക്കുകയായിരുന്നു. എന്നാൽ പിന്നീട് കുട്ടിക്ക് പനി വരുകയും ആരോഗ്യനില പൂർണമായും മോശമാവുകയായിരുന്നു. ഇതോടെയാണ് ഇക്കഴിഞ്ഞ ഒന്നാം തീയതി പേവിഷബാധയുടെ ലക്ഷണങ്ങളുമായി നിയ ഫൈസലിനെ എസ്ടി ആശുപത്രിയിൽ പ്രവേശിപ്പിച്ചത്. 

തീവ്ര പരിചരണ വിഭാഗത്തിൽ ആയിരുന്ന കുട്ടിയുടെ നില അതീവ ഗുരുതരാവസ്ഥയിൽ ആയതിനു പിന്നാലെ കുട്ടിയെ വെന്റിലേറ്ററിൽ പ്രവേശിപ്പിക്കുകയായിരുന്നു. എന്നാൽ മരുന്നുകളോട് ശരിയായ രീതിയിൽ കുട്ടി പ്രതികരിക്കാതെ പോവുകയായിരുന്നു. ഇന്നലെ പുലർച്ചെയായിരുന്നു നിയ മരണപ്പെട്ടത്. ആരോഗ്യവകുപ്പിന്റെ പ്രോട്ടോകോൾ അനുസരിച്ചായിരുന്നു കുട്ടിയുടെ മൃതദേഹം സംസ്കരിച്ചത്.

Human Rights Commission orders investigation into death of child due to rabies