കോഴിക്കോട്: നടക്കാവ് റെയിൽവേ നാലാം ഗേറ്റിന് സമീപം ആക്രി ഗോഡൗണിൽ ഇന്ന് വൈകിട്ട് 6:30ന് ഉണ്ടായ വൻ തീപ്പിടിത്തത്തിൽ കെട്ടിടത്തിന്റെ മേൽഭാഗം പൂർണമായും കത്തിനശിച്ചു. വാഹനങ്ങളുടെ പഴയ സ്‌പെയർ പാർട്‌സ് സൂക്ഷിച്ചിരുന്ന ഇരുനില കെട്ടിടത്തിലാണ് തീപടർന്നത്.

ഫയർ ഫോഴ്‌സിന്റെ നാല് യൂണിറ്റുകൾ സംഭവസ്ഥലത്തെത്തി തീ അണയ്ക്കാനുള്ള ശ്രമം തുടരുകയാണ്. തീപ്പിടിത്തത്തിന്റെ കാരണം വ്യക്തമല്ല. ആളപായം റിപ്പോർട്ട് ചെയ്തിട്ടില്ലെങ്കിലും, സ്‌പെയർ പാർട്‌സുകൾ ഉൾപ്പെടെ വലിയ നാശനഷ്ടം സംഭവിച്ചതായാണ് പ്രാഥമിക വിവരം.