ലണ്ടൻ: ഇന്ത്യയും യുകെയും തമ്മിലുള്ള സ്വതന്ത്ര വ്യാപാര കരാർ (Free Trade Agreement – FTA) ഉടൻ സാക്ഷാത്കാരമാകാനാണ് സാധ്യത. 2022 മുതൽ തുടർന്നുവരുന്ന ചര്‍ച്ചകൾ അവസാനിപ്പിച്ച് ഇരു രാജ്യങ്ങളും ധാരണയിലെത്തിയതായി ഇരുരാജ്യങ്ങളുടെയും പ്രധാനമന്ത്രിമാർ – നരേന്ദ്ര മോദിയും കിയർ സ്റ്റാമറും – ഔദ്യോഗികമായി പ്രഖ്യാപിച്ചു. വാർത്താ പങ്കുവെപ്പിന് ഇരുവരും എക്സ് (പഴയ ട്വിറ്റർ) പ്ലാറ്റ്ഫോം ഉപയോഗിച്ചു.

ഇപ്പോൾ കരാർ ഒപ്പിടുന്നതിനായി ബ്രിട്ടീഷ് പ്രധാനമന്ത്രി കിയർ സ്റ്റാമർ ഉടൻ ഇന്ത്യ സന്ദർശിക്കുമെന്ന് ഉറപ്പായിട്ടുണ്ട്.

ഈ കരാർ നിലവിൽ വന്നാൽ, ബ്രിട്ടീഷ് വാഹന നിർമ്മാതാക്കൾക്ക് ഇന്ത്യയിലെ വിപണിയിലേക്ക് കൂടുതൽ നിക്ഷേപ സാധ്യതകൾ ലഭിക്കും. അതുപോലെ ബ്രിട്ടനിൽ നിർമ്മിക്കുന്ന വിസ്കി, ഹൈടെക് ഉപകരണങ്ങൾ, ഭക്ഷ്യ ഉത്പന്നങ്ങൾ തുടങ്ങിയവയ്ക്ക് ഇന്ത്യയിൽ നികുതി ഇളവുകൾ ലഭിക്കും. ബ്രിട്ടീഷ് കമ്പനികൾക്ക് ഇന്ത്യയിലെ ടെലികോം, ബാങ്കിങ്, ഇൻഷുറൻസ് മേഖലകളിലേക്കും പ്രവേശനം കൂടുതൽ എളുപ്പമാകും.

Delighted to speak with my friend PM @Keir_Starmer. In a historic milestone, India and the UK have successfully concluded an ambitious and mutually beneficial Free Trade Agreement, along with a Double Contribution Convention. These landmark agreements will further deepen our…

— Narendra Modi (@narendramodi) May 6, 2025

മറ്റുഭാഗത്ത്, ഇന്ത്യൻ ഐടി, ആരോഗ്യം, വസ്ത്ര, കാൽച്ചെരിപ്പ്, കാർപ്പറ്റ്, മത്സ്യോൽപ്പന്നങ്ങൾ, മാമ്പഴം, മുന്തിരി തുടങ്ങിയ വ്യവസായങ്ങൾക്ക് യുകെയിലേക്കുള്ള കയറ്റുമതിയിൽ നികുതി ഇളവുകൾ ലഭിക്കുമെന്ന് കരാർ പ്രഖ്യാപനത്തിൽ സൂചിപ്പിക്കുന്നു. ഇതുവഴി ഇന്ത്യൻ കമ്പനികൾക്ക് യൂറോപ്യൻ വിപണിയിലേക്കുള്ള വാതിലുകൾ തുറന്നു കിടക്കും.

NEWS: The UK and India have agreed a landmark free trade deal to make working people and businesses better off in both our countries 🇬🇧🤝🇮🇳

Delivering on our Plan for Change to grow the economy, raise living standards, and put money back in people’s pockets. pic.twitter.com/h88m5SscCH

— UK Prime Minister (@10DowningStreet) May 6, 2025

ഈ കരാറിന്റെ ചർച്ചകൾ ആരംഭിച്ചത് മുൻ പ്രധാനമന്ത്രി ബോറിസ് ജോൺസണിന്റെ കാലത്താണ്. ഇപ്പോൾ യുഎസുമായുള്ള വ്യാപാര കരാറിൽ അനിശ്ചിതത്വം നിലനിൽക്കുന്ന സാഹചര്യത്തിൽ, ഇന്ത്യ–യുകെ ഇടയിൽ ഒപ്പുവെക്കുന്ന ഈ കരാർ ഇരുരാജ്യങ്ങൾക്കുമുള്ള സാമ്പത്തിക-വ്യാപാര പങ്കാളിത്തത്തിൽ വൻ തിരിച്ചുവരവായി വിലയിരുത്തപ്പെടുന്നു.നരേന്ദ്ര മോദി ഈ കരാറിനെ "ഇതിഹാസപരമായൊരു നിമിഷം" എന്നായാണ് വിശേഷിപ്പിച്ചത്.