ഡല്‍ഹി: പഹല്‍ഗാം ആക്രമണത്തില്‍ ഇന്ത്യ നല്‍കിയ തിരിച്ചടിക്ക് പിന്നാലെ വ്യാജപ്രചാരണങ്ങള്‍ ആഴിച്ചു വിട്ടിരിക്കുകയാണ് പാകിസ്ഥാന്‍. ഇന്ത്യക്ക് അകത്ത് പതിനഞ്ചിടങ്ങളില്‍ മിസൈലാക്രമണം നടത്തിയെന്നുള്‍പെടെയുള്ള അവകാശവാദങ്ങളാണ് പാകിസ്ഥാന്‍ സമൂഹിക മാധ്യമങ്ങളില്‍ പ്രചരിപ്പിക്കുന്നത്. ഇന്ത്യയുടെ ബ്രിഗേഡ് ഹെഡ്ക്വാര്‍ട്ടേഴ്‌സ് തകര്‍ത്തെന്നും പാകിസ്ഥാന്‍ അവകാശപ്പെടുന്നു. എന്നാല്‍ പാകിസ്ഥാന്‍ നടത്തുന്നത് വ്യാജ പ്രചാരണമാണെന്ന് വ്യക്തമാക്കി ഇന്ത്യന്‍ പ്രതിരോധ മന്ത്രാലയം രംഗത്തെത്തി. തെറ്റായ വിവരങ്ങള്‍ പ്രചരിപ്പിക്കരുതെന്നും ഇത്തരം സന്ദേശങ്ങള്‍ പങ്കുവെക്കരുതെന്നും പ്രതിരോധ മന്ത്രാലയം അറിയിച്ചു.

പഹല്‍ഗാം ഭീകരാക്രമണത്തിനുള്ള തിരിച്ചടിയായി പാക് അധീന കശ്മീര്‍ അടക്കമുള്ള പാകിസ്താനിലെ ഒമ്പത് ഭീകരകേന്ദ്രങ്ങളാണ് സൈന്യം തകര്‍ത്തത്. ഓപറേഷന്‍ സിന്ദൂര്‍ എന്ന് പേരിട്ട തിരിച്ചടിയില്‍ ബഹാവല്‍പൂര്‍, മുസാഫറബാദ്, കോട്ലി, മുറിഡ്കെ തുടങ്ങിയ സ്ഥലങ്ങളിലാണ് ആക്രമണം നടന്നത്. 12 ഭീകരര്‍ കൊല്ലപ്പെട്ടെന്നാണ് റിപ്പോര്‍ട്ട്. ആക്രമണം ലഷ്‌കറെ, ജയ്‌ഷെ തുടങ്ങിയ ഭീകര കേന്ദ്രങ്ങള്‍ക്ക് നേരെ മാത്രമെന്നും സേന വ്യക്തമാക്കി. 

Social media posts falsely claims that Pakistan destroyed Indian Brigade Headquarters.#PIBFactCheck

❌ This claim is #FAKE

✅ Please avoid sharing unverified information and rely only on official sources from the Government of India for accurate information. pic.twitter.com/9W5YLjBubp

— PIB Fact Check (@PIBFactCheck) May 7, 2025

തിരിച്ചടിയുടെ പശ്ചാത്തലത്തില്‍ രാജ്യത്ത് സുരക്ഷാ സന്നാഹങ്ങള്‍ ശക്തമാക്കിയിരിക്കുകയാണ്. വിമാന സര്‍വീസുകള്‍ മുടങ്ങുമെന്ന് കമ്പനികള്‍ അറിയിച്ചു. 11 മണിക്ക് കേന്ദ്ര മന്ത്രിസഭാ സുരക്ഷാസമിതിയോഗം ചേര്‍ന്ന് സ്ഥിതിഗതികള്‍ വിലയിരുത്തും. സംയമനം പാലിക്കണമെന്ന് ഇരുരാജ്യങ്ങളോടും ഐക്യരാഷ്ട്രസഭ ആവശ്യപ്പെട്ടു.